तडका - पीक

पिक

पावसाळ्याचं अमिश दाखवुन
पावसानं दडी मारलेली आहे
पावसाळ्यातच पावसाची चिंता
मना-मनात वाढलेली आहे

विश्वास ठेऊन निसर्गावर
कर्जाचं दु:ख भोगलं आहे
पण पाण्याविना शेतामधी
पिक करपु लागलं आहे

विशाल मस्के
सौताडा, पाटोदा, बीड.
मो.९७३०५७३७८३

तडका - अतिशहाणे,...

अतिशहाणे,...

स्वत:ला शहाणा समजल्यास
माणूस अतिशहाणा होतो
अति शहाणपणा दाखवताना
माणूस अतिलहाना होतो

दुसर्‍यांचे शहाणपण पाहताना
त्यांची बुध्दी आखडली जाते
अन् अतिशहाणपणाची री मात्र
इथे वारंवार ओढली जाते

विशाल मस्के
सौताडा, पाटोदा, बीड.
मो.९७३०५७३७८३

तडका - हे लक्षात असु द्या,...

हे लक्षात असु द्या,...

कुणी सत्य म्हणत असतात
कुणी असत्य म्हणत असतात
आपली छाप टिकवण्यासाठी
दोन्ही वारे झुण-झुणत असतात

मात्र आरोप-प्रत्यारोप करताना
औकातीत औकात असाव्यात
अन् अवमानाच्या हद्दी सुध्दा
नैतिकतेच्याच आत असाव्यात

विशाल मस्के
सौताडा, पाटोदा, बीड.
मो.९७३०५७३७८३

तडका - निषेध,...

तडका - स्री जन्मा,...

स्री जन्मा,...

स्री जन्माचा हेवा होतो
समाजातुन पुन्हा-पुन्हा
जगण्याआधीच मरण्याचा
सांगा तीचा काय गुन्हा,.?

वारंवार पाहिला आहे
स्री-पुरूषांतील दुजेपणा
अन् स्रीयांनीही केला आहे
कधी स्रीयांचाच खुजेपणा

विशाल मस्के
सौताडा, पाटोदा, बीड.
मो.९७३०५७३७८३

तडका - पावसा...

पावसा,...

मना-मनात वाढणारी
प्रतिक्षेची उंचाई आहे
जिकडे-तिकडे आता
पावसाची टंचाई आहे

आकाशयात्री ढग सुध्दा
ना अपेक्षीत बरसले आहेत
अन् शेता-शेतातील अंकुर
पाण्यासाठी तरसले आहेत

विशाल मस्के
सौताडा, पाटोदा, बीड.
मो.९७३०५७३७८३

तडका - कधी-कधी,...!

कधी-कधी,...!

विचारपुर्वक बोलायच्या गोष्टी
विचारपुर्वक ना बोलल्या जातात
मात्र बोलुन झालेल्या गोष्टींवर
सुटकेच्या उचक्या ढाळल्या जातात

आपल्या बोलण्याच्या परिणामांचा
आपल्यावरतीच तर भार असतो
मात्र कधी आपल्या वक्तव्यावरून
आपलाच पलटवार असतो,...!

विशाल मस्के
सौताडा, पाटोदा, बीड.
मो.९७३०५७३७८३

तडका - सत्य

सत्य,...

भांडायचं म्हणून उगीचंच
आम्ही भांडत बसत नाही
पण उघडं पडलेलं सत्यही
इथे कुणाला दिसत नाही

सत्यापुढे असत्याचे सामर्थ्य
कधीच टिकुन रहात नसतात
तरीही सत्यांध माणसं सदैव
सत्य झाकू पहात असतात,.!

विशाल मस्के
सौताडा, पाटोदा, बीड.
मो.९७३०५७३७८३

वावराकडं चाल

~!!! वावराकडं चाल !!!~

फाटक्या-तुटक्या संसाराची,तुच गड्या ढाल
वावराकडं चाल आता,वावराकडं चाल,...
हर्ष दाटला मनात-थेंब पडल्यातं रानात
काल भरलीया टिफणं-आज पेरूया रं रानं
पेरणीसाठी आज गड्या,होऊया बेताल
वावराकडं चाल आता,वावराकडं चाल,...
आज वावरातं कसंन-बीज आणंल उसणं
तुझ्या शेणाचं रे खात-देई मला साथं
आरं पिकु लागेल तुझ्यामुळं-शेतामधी रं माल
वावराकडं चाल आता,वावराकडं चाल,...
पेंडी-पेंडीचा हिसाब-आज दाण्यात भरला
अन् सुखा हा घास-आज वावरातं पेरला
लेकरा-बाळांचे रं माझ्या,नको करू हाल
वावराकडं चाल आता,वावराकडं चाल,...
कर्ज डोई घेऊनिया-बिंधास्त होऊनिया
आज पेरीतो हे रानं-तुझं गाऊनिया गाणं
माझ्या विघ्नहर्त्या-माझ्या जीवाचा तु लाल
वावराकडं चाल आता,वावराकडं चाल,...
जरी आली महागाई-पर तुझी साथ हाई
हा तुझा रे जिव्हाळा-धीर देतो या जीवाला
आरं तुझ्याविना राजा,मी झालोया कंगाल
वावराकडं चाल आता वावराकडं चाल,...
ऊन्हा-पावसात राजा-राब-राब राबलास
तुझा राखीनं मी मानं-नको ढाळूस अवसानं
खोल-खोल गेले राजा,तुझे दोन्ही गाल
वावराकडं चाल आता,वावराकडं चाल,...

विशाल मस्के,
सौताडा, पाटोदा, बीड.
मो.9730573783

सदरील कविता ऑडीओ स्वरूपात मिळविण्यासाठी व्हाटस्अप नंबर : 9730573783

कविता आवडल्यास जरूर शेअर करा,परंतु कवितेखालुन नाव न काढता,...

तडका - विद्यार्थी हवेत,...!

विद्यार्थी हवेत,...!

पर्याय कोणता निवडावा याची
विद्यार्थ्यांच्या मनात गोची असते
तर शाळा आणि कॉलेजकडून
विद्यार्थ्यांची खेचा-खेची असते

वेग-वेगळे ऑप्शन सांगत-सांगत
विद्यार्थ्यांना राजी करावं लागतं
तर कधी विद्यार्थी शोधत-शोधत
शिक्षकांना दारो-दारी फिरावं लागतं,.!

विशाल मस्के
सौताडा, पाटोदा, बीड.
मो.९७३०५७३७८३

तडका - ट्रॅफिक लुटारू,...?

ट्रॅफिक लुटारू,...?

ज्यांचा आदर वाटायला हवा
त्यांचा तिरस्कार वाटू लागतो
जेव्हा एखाद्या प्रवाशालाच
ट्रँफिक पोलिस लुटू लागतो

रस्त्या-रस्त्यावर नियमबाह्य
कुठे सेंटलमेंट सुरू आहेत
ट्रँफिक पोलिसांच्या वेशामध्ये
जणू हे ट्रँफिक लुटारू आहेत,.?

विशाल मस्के
सौताडा, पाटोदा, बीड.
मो.९७३०५७३७८३

तडका - विकास

विकास

विकास करणारांकडूनच
कधी विकासालाच ठेंगा आहे
ज्याच्या-त्याच्या डोक्यामध्ये
भ्रष्टाचाराचा भुंगा आहे

दारिद्रयाचा फापट-पसारा
जसाच्या तसा रखडला जातोय
भ्रष्टाचाराच्या या शिलेदारांकडून
इथे विकास पोखरला जातोय

विशाल मस्के
सौताडा, पाटोदा, बीड.
मो.९७३०५७३७८३

तडका - हि रीत आहे

हि रीत आहे

कुणाकडून आरोप केले जातात
कुणाकडून मात्र  फेटाळले जातात
कुणाकडून तिरस्कार केले जातात
तर कुणी मात्र हळहळले जातात

कुणा मनी द्वेश असतात तर
कुणा मनी आपुलकी असते
घडल्या प्रत्येक प्रकरणाला
वेग-वेगळी डूलकी असते

विशाल मस्के
सौताडा, पाटोदा, बीड.
मो.९७३०५७३७८३

तडका - गोंधळ गोंधळ

गोंधळ गोंधळं

त्यांनी यांची खेचली होती
आता हे त्यांची खेचत आहेत
त्यांनी यांना टोचले होते
आता हे त्यांना टोचत आहेत

यांची त्यांना अन् त्यांची यांना
जणू एकमेकांना भीती आहे
मात्र या सावळ्या गोंधळात
जनतेची ओंजळ रिती आहे,.?

विशाल मस्के
सौताडा, पाटोदा, बीड.
मो.९७३०५७३७८३

तडका - घोटाळे

घोटाळे

ज्याच्या-त्याच्या कार्यासाठी
ज्याचे-त्याचे कक्ष असते
अन् कुठे काय खाता येते
यावर सर्वांचे लक्ष असते

जिथे विकास करायचा तिथे
भ्रष्टाचारी बिंब वाजत आहेत
अन् विकासापेक्षाही जास्त
इथे घोटाळे गाजत आहेत,.!

विशाल मस्के
सौताडा, पाटोदा, बीड.
मो.९७३०५७३७८३

तडका - ती दारू नव्हे,...!

ती दारू नव्हे,...!

न पिणाराला कळले तरीही
पिणाराला ना कळले आहेत
दारू पिल्याच्या कारणावरच
आजवर कित्तेक मेले आहेत

दारू बंदीची मागणी होताच
पुन्हा नविनच झाकण आहे
ती दारू नव्हतीच म्हणत
दारूची पाठराखण आहे,..?

विशाल मस्के
सौताडा, पाटोदा, बीड.
मो.९७३०५७३७८३

तडका - दारू बंदी...!

दारू बंदी,...!

कुणी पावले उचलले तर
कुणाचे पावले कुचलले
अन् दारूबंदीचे निर्णय
इथे वारंवार कोसळले

दारू बंद होतच नाही
याचे कारण बोधायला हवे
अन् दारू कुठे बनते आहे
याचे ठिकाण शोधायला हवे

विशाल मस्के
सौताडा, पाटोदा, बीड.
मो.९७३०५७३७८३

तडका - सत्य-असत्य,...

सत्य-असत्य,...

सत्यावरती पडदा घालुन
असत्य बाहेर काढले जाते
न्यायासाठीचे सत्य मात्र
सर्रास इथे पीडले जाते

मना-मनात दडेल अशी
असत्याची खोड असते
मात्र सत्याच्या पावर पुढे
असत्याची भांडाफोड असते

विशाल मस्के
सौताडा, पाटोदा, बीड.
मो.९७३०५७३७८३

तडका - शिक्षणाच्या बाबतीत,...

शिक्षणाच्या बाबतीत,...

एका मागुन एक प्रकरणं
आता उघडकीस येऊ लागले
अन् शिक्षणमंत्र्यांनाही कुणी
पदवी प्रकरणांत गोवु लागले

करायचे म्हणून आरोप नसावेत
त्यात सत्यापनाची अस्सल असावी
"शिक्षण हे वाघीणीचे दुध आहे"
त्यामध्ये बनावटी भेसळ नसावी,...

विशाल मस्के
सौताडा, पाटोदा, बीड.
मो.९७३०५७३७८३

तडका - विषारी दारू,...!

विषारी दारू,...!

त्यांच्या मृत्युच्या कारणांची
दारूत नोंद कुठे करतात,...?
जे माणसं दारू पिल्याने
रोज-रोज इथे मरतात,...!

जिथे परिणाम तात्काळ
तिथेच फक्त दोष आहे
मात्र दारूमध्ये विष नाही
दारू हेच विष आहे,...!

विशाल मस्के
सौताडा, पाटोदा, बीड.
मो.९७३०५७३७८३

तडका - माना-पानात,...

माना-पानात,...

आता माना-पानाचे प्रकरणं
भलतेच वाढलेले आहेत
मान-पान देण्या-घेण्यासाठी
इथे समरही घडलेले आहेत

कुणी रूसलेले असतात तर
कुणी भलतेच फूगत असतात
अन् माना-पानासाठी आपलेही
कधी विरोधात वागत असतात

विशाल मस्के
सौताडा, पाटोदा, बीड.
मो.९७३०५७३७८३

ग्रुप अॅडमीन

~!!!  ग्रुप अॅडमीन  !!!~

                 कवी :- विशाल मस्के, सौताडा.
                 मो. 9730573783

प्रत्येकाला स्वातंत्र्य आहे
कुणीही ग्रुप काढू शकतो
सोशियल मिडीयाने माणसं
प्रत्येकजण जोडू शकतो

ज्याच्या-त्याच्या इच्छेनुसार
ज्याचा-त्याचा वावर असतो
सोशियल मिडीयातील ग्रुप
प्रसारणाची पावर असतो

कुणासाठी कुटूंब असतो
कुणासाठी मात्र गँग असतो
अन् ग्रुपमध्ये वावरतानाही
कुणी भलताच हँग असतो

कुणाला नावडते असतात
कुणाला आवडते असतात
सोशियल मिडीयातील ग्रुप
भलतेच दवडते असतात

नको असलेल्या बाबींचाही
कधी गौप्यस्फोट होऊ शकतो
तर कधी-कधी आपलाच ग्रुप
आपल्या अंगलट येऊ शकतो

ग्रुप कसा चालवावा याचेही
ग्रुप अँडमीनला सल्ले असतात
तर ग्रुप मेंबर्स कडून कधी
अँडमीनवरतीच हल्ले असतात

कधी अनावश्यक मेसेजेसची
नको तितकी वळवळ असते
तर कधी-कधी ग्रुपमध्ये
क्रांतीवादी चळवळ असते

जरी वाढत्या समस्यांचेही
वरवर वाढते प्रहार आहेत
तरीही ग्रुप जोपासण्यासाठी
अॅडमीनलाही अधिकार आहेत

कुणाची रिमोव्हिंग असते
तर कुणाची अँडींग असते
मात्र आपल्या ग्रुप एवढीच
ग्रुप अँडमीनची डांगडींग असते

विशाल मस्के
सौताडा, पाटोदा, बीड.
मो. 9730573783

सदरील कविता अॉडीओ स्वरूपात मिळविण्यासाठी व्हाटस्अप नंबर :- 9730573783

कविता आवडल्यास नाव न काढता फॉरवर्ड करू शकता,...

तडका - कसरत,...

कसरत,...

जिकडे रग असेल तिकडे
प्रत्येकाचाच ओघ असतो
हव्या असलेल्या बाबींचाही
कधी योगा-योग असतो

कुणाचे शरीर ओसरत असते
कुणाचे शरीर पसरत असते
मात्र सशक्त शरीरासाठी
अत्यावश्यक कसरत असते

विशाल मस्के
सौताडा, पाटोदा, बीड.
मो.९७३०५७३७८३

तडका - नैसर्गिक पंचनामा,...!

नैसर्गिक पंचनामा,...!

कुणी कुणाला दोष दिले तर
कुणी जबाबदारीच झटकली
मात्र निकृष्ठ दर्जाच्या कामांची
गोष्ट सगळ्यांनाच खटकली

जोरदार पडल्या पावसाने
बहारदारच हंगामा झाला
अन् केल्या कामांचाही जणू
नैसर्गिकच पंचनामा झाला,..!

विशाल मस्के
सौताडा, पाटोदा, बीड.
मो.९७३०५७३७८३

तडका - पावसाच्या औचित्याने

पावसाच्या औचित्याने

आनंद घेणार्‍या मनांचीही
आता दैना केली आहे
वाट पाहिलेल्या पावसाने
जणू वाट लावली आहे

पावसाची अतिवृष्टी होणं हे
दैनंदिनीलाही अडलेलं आहे
अन् पावसाच्या या पडण्याने
राजकारणही घडलेलं आहे

विशाल मस्के
सौताडा, पाटोदा, बीड.
मो.९७३०५७३७८३

तडका - मुंबई बंद,...!

मुंबई बंद,...!

मुंबई बंद ठेवण्यामागेही
वेग-वेगळे कारणं आहेत
अन् निसर्गाच्या वर्षावासह
कुकर्मिक मानवी वर्ण आहेत

करून दाखवलेल्या कामांचं
दर्जेदारपणही भेदलेलं आहे
अन् पावसा पेक्षाही जास्त
नाल्यांनी लक्ष वेधलेलं आहे

विशाल मस्के
सौताडा, पाटोदा, बीड.
मो.९७३०५७३७८३

तडका - शिक्षणाच्या बाजारात

शिक्षणाच्या बाजारात,...

कुणी चुकून शिकले आहेत
कुणी शिकून चुकले आहेत
बोगजबाजीच्या बाजारात
कुणी शिक्षणच विकले आहेत

शिक्षणाच्या बाबतीत तरी
अशी कुठेच ना खाच पाहिजे
विकणारांना तर नाहीच नाही
पण घेणारांना तरी लाज पाहिजे

विशाल मस्के
सौताडा, पाटोदा, बीड.
मो.९७३०५७३७८३

तडका - भानगड खर्चाची

भानगड खर्चाची

ऐपत जर असेल तर
खर्च कुठेही करता येतो
विनाकारण खर्चाचाही
कधी भुर्दंड भरता येतो

मात्र ऐपत जर नसेल तर
गरजांनाही शमवावं लागतं
अन् काहीतरी गमवण्यासाठी
काहीतरी कमवावं लागतं,...!

विशाल मस्के
सौताडा, पाटोदा, बीड.
मो.९७३०५७३७८३

तडका - विजयाचे गुपित

विजयाचे गुपित

धनुष्याच्या बाणापेक्षाही
घड्याळी काटे धावले आहेत
कर्तबगार क्लुप्ती मुळेच
यशाची दारे गोवले आहेत

पवारांच्या या पावर मुळे
चाहत्यांचा फूलता श्वास आहे
मात्र घड्याळी विजयालाही
म्हणे कमळाचाच वास आहे,.!

विशाल मस्के
सौताडा, पाटोदा, बीड.
मो.९७३०५७३७८३

तडका - संपत्तीचे गुपित,...?

संपत्तीचे गुपित,...?

ज्यांना जाणते म्हटले
तेच जणू लबाड आहेत
भ्रष्टाचारी कमाईचे म्हणे
त्यांच्याकडे घबाड आहेत

लबाडाच्या घबाडाचा हा
ताजा-तवाना किस्सा आहे
भुजबळांच्या संपत्तीत म्हणे
भ्रष्टाचाराचा हिस्सा आहे,...?

विशाल मस्के
सौताडा, पाटोदा, बीड.
मो.९७३०५७३७८३

तडका - सत्य चौकशीचे

सत्य चौकशीचे

प्रत्येकाच्या कर्माचे परिणाम
ज्याला-त्याला धडकले जातात
अन् घोटाळेखोरांचे घोटाळेही
वाटोळ्यांत अडकले जातात

मनी लालसा जोपासणारे
मना-मनात निदण असते
अन् कुणी किती खाल्लं याचे
चौकशीअंती निदान असते

विशाल मस्के
सौताडा, पाटोदा, बीड.
मो.९७३०५७३७८३

तडका - हे सत्य आहे

तडका - छापे-काटे

छापे-काटे

चौकशीत समोर येईल की
कोण-कोण ढापे आहेत
आता एका-एका घरावर
छाप्यावरती छापे आहेत

वाढता वेग धरत-धरत
आता चौकशीचे रेटे आहेत
पडणार्‍या प्रत्येक छाप्यांचे
कुठे टोचते काटे आहेत,...?

विशाल मस्के
सौताडा, पाटोदा, बीड.
मो.९७३०५७३७८३

तडका - छत्रीची गरज

छत्रीची गरज

पाऊस पडणार म्हणजे
भिजण्याची खात्री असते
मात्र आपल्या बचावाला
खंबीरपणे छत्री असते

मात्र पावसाच्या स्वागताला
भिजण्याची भीती दिसत नाही
अन् पावसाच्या आनंदात
छत्रीची गरज असत नाही,...

विशाल मस्के
सौताडा, पाटोदा, बीड.
मो.९७३०५७३७८३

तडका - सुट्ट्या संपल्याचा आनंद

सुट्ट्या संपल्याचा आनंद,...

दिर्घकाळ भेटलेल्या सुट्टीलाही
दिर्घकाळाचीच रजा असते
जुण्या आठवणींच्या जोडीला
नव्या क्षणांची मजा असते

शाळेचा पहिला दिवस सदैव
उत्सुकतेत पहूडलेला असतो
अन् सुट्ट्या संपल्याचा आनंद
मना-मनात वाढलेला असतो

विशाल मस्के
सौताडा, पाटोदा, बीड.
मो.९७३०५७३७८३

तडका - सत्य जुण्या-नव्यांचे

सत्य जुण्या-नव्यांचे,...

ज्याच्या त्याच्या काळामध्ये
ज्याची-त्याची चलती असते
मात्र काळ बदलु लागताच
जणू प्रतिमाही ढळती असते

जुण्यांना आलेले अनुभव
नव्यांसाठी सुचक असतात
मात्र जुण्यांपुढचे नवे कधी
जुण्यांसाठी जाचक असतात,.?

विशाल मस्के
सौताडा, पाटोदा, बीड.
मो.९७३०५७३७८३

तडका - अन्नाची सुरक्षितता,...?

अन्नाची सुरक्षितता,...?

आहाराच्या असुरक्षिततेच्या
ऊसळ्यांवरती ऊसळी आहेत
माणसांसाठीच्या अन्नामध्ये
माणसांकडूनच भेसळी आहेत

जणू मना-मनात पोसलेले
निष्काळजीपणाचे वेल आहेत
माणसांची दक्षता घेण्यासाठी
आज माणसंच फेल आहेत,..?

विशाल मस्के
सौताडा, पाटोदा, बीड.
मो.९७३०५७३७८३

तडका - रस्त्यावरून चालताना,...

रस्त्यावरून चालताना,...

कधी धो-धो आहे तर
कधी मात्र रिमझिम आहे
रस्त्या-रस्त्यावर पडलेली
मान्सुनची चिम-चिम आहे

रस्त्यावरून चालताना
संभाळूनच चालावे लागते
अन् जसे खड्डे येतील तसे
प्रत्येकाला झूलावे लागते

विशाल मस्के
सौताडा, पाटोदा, बीड.
मो.९७३०५७३७८३

तडका - अॅडमीशन घेताना

अॅडमीशन घेताना

दिवसें-दिवस वाढणारे
मार्गदर्शक धडे असतात
विद्यार्थ्यांच्या मना-मनात
अँडमीशनचे कोडे असतात

शाळा आणि कॉलेजच्याही
कधी नीयतीत बाक असतो
अँडमीशनला भेडसावणारा
कुठे डोनेशनचा धाक असतो,.?

विशाल मस्के
सौताडा, पाटोदा, बीड.
मो.९७३०५७३७८३

तडका - पदव्यांचे बनावटीकरण,...!

पदव्यांचे बनावटीकरण,...!

रोज नव-नवे नावं पाहून
पाहणारेही खिन्न आहेत
कित्तेकांच्या पदवीवरती
आता प्रश्नचिन्ह आहेत,.!

सिस्टम हाती आल्यावरती
हवी तशी पिळवता येते,.?
बोगसबाजी करून देखील
इथे पदवी मिळवता येते,.?

या बोगसबाजीनं कुणा-कुणाचे
चारित्र्यही गमावले आहेत,..!
अन् बनावट पदवी प्रकरणात
आता भुजबळही सामावले आहेत,.?

विशाल मस्के
सौताडा, पाटोदा, बीड.
मो.९७३०५७३७८३

तडका - नापासांसाठी

नापासांसाठी,...

विद्यार्थ्यांच्या कल्याणाला
वेळेवरतीच धावले आहे
अन् नापासांच्या हितासाठी
सरकारही सरसावले आहे

आता अॉक्टोबरच्या वेटिंगची
काहींना गरज भासणर नाही
अन् वर्ष वाया जाण्याची भीती
नापासांनाही असणार नाही,.!

विशाल मस्के
सौताडा, पाटोदा, बीड.
मो.९७३०५७३७८३

तडका - कुकर्माचे दणके

कुकर्माचे दणके,...

विश्वास टाकलेले माणसंच
घोटाळ्यांनी बाटले आहेत
उतले आहेत-मातले आहेत
कुणी विवेकही कातले आहेत

उतलेल्या अन् मातलेल्यांचे
वारंवार जणू फणके असतात
मात्र ज्याच्या-त्याच्या कुकर्माचे
ज्याला-त्यालाच दणके असतात

विशाल मस्के
सौताडा, पाटोदा, बीड.
मो.९७३०५७३७८३

तडका - महायुतीच्या नावानं,...

महायुतीच्या नावानं,...

सत्ता मिळविण्यासाठी जरी
गोडीनं एकवटलेलेे आहेत
तरीही मात्र सत्तेमधून
घटकपक्ष घटलेले आहेत

अस्तित्व टिकविण्यासाठी
कुणी अजुनही पीचत आहे
अन् महायुतीच्या नावानं
एकीचं बळ खचत आहे,.?

विशाल मस्के
सौताडा, पाटोदा, बीड.
मो.९७३०५७३७८३