हा ब्लॉग शोधा
मंगळवार, १६ नोव्हेंबर, २०२१
तडका - हे मनोरूग्णिका
बुधवार, २७ ऑक्टोबर, २०२१
तडका - 'पेट रोल'
शनिवार, २५ सप्टेंबर, २०२१
तडका - भरती
✨✨✨ *तडका - २२२६* ✨✨✨
भरती
तेच म्हणाले पळा-पळा
लोक भलते पळत सुटले
तेच म्हणाले छळा-छळा
अन् लोकही नकळत लुटले
त्यांच्या बौध्दिक कुवतीची
चर्चाही रंगली असावी
कारण भरती घेणारांचीही
भरतीच चांगली असावी
ॲड. विशाल मस्के
सौताडा, पाटोदा, बीड
मो. 9730573783
-----------------------------------------------
बुधवार, १८ ऑगस्ट, २०२१
तडका - रोकडा ठार!
रोकडा ठार!
रोकडा ठार! रोकडा ठार!
अहो पेट्रोल गेलं शंभर पार
तुम्ही येऊन बघा बाजारात
गॅस ही चाललाय हजारात
राज्यासह केंद्राचे ही कर
जनता आमची सोसते आहे
सरकार जनतेला पोसते की
जनता सरकारला पोसते आहे ?
ॲड. विशाल मस्के
सौताडा, पाटोदा, बीड
मो. ९७३०५७३७८३
शुक्रवार, १६ जुलै, २०२१
तडका - डॉक्टर
डॉक्टर
मरणापासुन वाचवु शकतो
मरणा पर्यंत पाठवु शकतो
अहो तब्येतीत बिघाड होताच
लगेच डॉक्टर आठवु शकतो
आपल्या सुखी जगण्याचा
तो ही एक प्रोटेक्टर असतो
माणसांची सेवा करणारा
देव माणूस डॉक्टर असतो
ॲड. विशाल मस्के
सौताडा, पाटोदा, बीड
मो. ९७३०५७३७८३
बुधवार, ७ जुलै, २०२१
तडका - वकील
वकील
छोटा असतो, मोठा असतो
मध्यम आणि हूशार असतो
प्रत्येक स्तरात असला तरी
वकील कधी लाचार नसतो
भल्या मोठ्या संकटांतुनही
वकील सहज सहज तारतो
म्हणूनच तर संकटकाळी
वकील प्रत्येकालाच स्मरतो
कुणासाठी असतो दिशादर्शक
कुणासाठी मात्र खंजर असतो
जगणे ही हैराण करू शकतो
कारण वकील पण डेंजर असतो
ॲड. विशाल मस्के
सौताडा, पाटोदा, बीड
मो. ९७३०५७३७८३
सोमवार, २१ जून, २०२१
तडका - लाटा कोरोना च्या
लाटा कोरोना च्या
कुठे कमी, कुठे शिल्लक
दवाखान्यात खाटा आहेत
एका पाठोपाठ एक अशा
कोरोना च्या लाटा आहेत
कोणत्या लाटेत कोणाला धोका
याचेही टार्गेट फिक्स आहेत
नव्या लाटेच्या उद्रेकासाठी
जुन्या लाटांचे साक्ष आहेत
ॲड. विशाल मस्के
सौताडा, पाटोदा, बीड
मो. ९७३०५७३७८३
बुधवार, २ जून, २०२१
तडका - भेटी गाठी
भेटी गाठी
हल्ली कोण कुणाला भेटेल
अंदाज लावणे चुकीचे आहे
कुणाचे भेटणे षढयंत्री तर
कुणाचे भेटणे एकीचे आहे
मात्र त्यांच्या भेटी-गाठीच्या
चर्चेचा मिडीयात पाऊस आहे
अन् इतक्या भेटी होऊन देखील
ज्वलंत विषयांस कंस आहे ?
जशा भेटी घडवल्या जातात
तशा समस्याही सोडवाव्यात
जनतेच्या समस्या सोडवण्या
भेटीही नक्कीच वाढवाव्यात
ॲड. विशाल मस्के
सौताडा, पाटोदा, बीड
मो. ९७३०५७३७८३
https://youtu.be/6OwyKSt2iOg
शनिवार, २९ मे, २०२१
तडका - आमचे मत
आमचे मत
आहे एक राजा शौर्याचा
तर दुसरा राजा ज्ञानाचा
आज संगम घडून आला
दोन्ही राजांच्या वारसांचा
गरीब मराठा समाजासह
हि बहुजनांची आशा आहे
हि महाराष्ट्राचीच नव्हे तर
हि देशाची ही दिशा आहे
ॲड. विशाल मस्के
सौताडा, पाटोदा, बीड
मो. ९७३०५७३७८३
तडका - दारू नवसंजीवनी
दारू नवसंजीवनी ?
आर्थिक हातभाराला
दारूच अग्रणी आहे
सरकारच्या नजरेतुन
हि नवसंजीवनी आहे
दारूने सुधरत असेलही ती
सरकारची आर्थिक तिजोरी
पण सरकारी सर्व्हे करून पहावा
इथे दारूने उधाडलेल्या घरी
सरकारला काळीज असेल तर
ते देखील पाझरून जाईल
निर्णय दारू बंदी उठवण्याचा
सरकार देखील बदलुन घेईल
ॲड. विशाल मस्के
सौताडा, पाटोदा, बीड
मो. ९७३०५७३७८३
रविवार, ९ मे, २०२१
तडका - कोरोना विशेष
कोरोना विशेष
हे मृत्युचे तांडव पाहून
अक्षरशः डोळे वाहिले जातात
वाढदिवसाचे फोटोही
आता धास्तीने पाहिले जातात
मास्क लावावे, हात धुवावे
अत्यावश्यक ती दुरी आहे
आपण आपली काळजी घेणे
हिच पध्दत भारी आहे
अॅड. विशाल मस्के
सौताडा, पाटोदा, बीड.
मो. ९७३०५७३७८३
शनिवार, ८ मे, २०२१
तडका - आरक्षण
आरक्षण
कुणाला वाढले जाते
कुणाचे काढले जाते
कुणा-कुणाचे आरक्षण
पुर्ततेत नडले जाते
विषय गंभीर असला तरी
हा राजकारणी घोळ आहे
आरक्षणाच्या घडामोडी
हा तर सरकारी खेळ आहे?
अॅड. विशाल मस्के
सौताडा, पाटोदा, बीड.
मो. ९७३०५७३७८३
मंगळवार, १३ एप्रिल, २०२१
तडका - वंदन
वंदन
जगभरात ठरला ज्ञान लोगो
हि गोष्ट या राष्ट्राच्या जोमाची
आज १४ एप्रिल मंगल दिनी
जयंती साजरी करू भिमाची
प्रत्येक ह्रदयातील स्वातंत्र्याचे
बाबासाहेबांमुळेच स्पंदन आहेत
या राष्ट्र निर्माता युगपुरूषास
आमचे कोटी कोटी वंदन आहेत
अॅड. विशाल मस्के
सौताडा, पाटोदा, बीड.
मो. ९७३०५७३७८३
शनिवार, ३ एप्रिल, २०२१
तडका - अच्छे दिन : एक आठवण
✨✨✨ *तडका - २२१६*✨✨✨
अच्छे दिन : एक आठवण
बायको म्हणाली नवर्याला
हा कोरोना चा काळ आहे
त्यातच पुन्हा छळणारा
महागाईचा ही जाळ आहे
मग नवरा म्हणाला बायकोला
दिवस बदलुन जातील गं
म्हणे कुणी तरी सांगितलंय
'अच्छे दिन' ही येतील गं,...
अॅड. विशाल मस्के
सौताडा, पाटोदा, बीड.
मो. 9730573783
_________________________________
सोमवार, ११ जानेवारी, २०२१
तडका - महाराष्ट्राचा प्राण
महाराष्ट्राचा प्राण
छावा घडवला असा की
गाजला सार्या जगामध्ये
कार्य केले त्याने असे की
आदर्श ठरले युगामध्ये
त्या छाव्याची माय तु
महाराष्ट्राची शान आहेस
घडवला महाराष्ट्र तुच
तु महाराष्ट्राचा प्राण आहेस
अॅड. विशाल मस्के
सौताडा, पाटोदा, बीड.
मो. ९७३०५७३७८३
शनिवार, २ जानेवारी, २०२१
तडका - हे सावित्री माई
हे सावित्री माई
माई तु शिकलीस म्हणून
शिकवलंस तुझ्या लेकींना
ज्योतिबा आणि तु मिळुन
सुधारलं सामाजिक चुकांना
सामाजिक शैक्षणिक क्रांतीचे
तुम्ही दोघेच तर दाते आहात
आज यशस्वी स्री जीवनाचे
तुम्हीच तर विधाते आहात
अॅड. विशाल मस्के
सौताडा, पाटोदा, बीड.
मो. ९७३०५७३७८३