विचारवंत मारणारांनो
विचारवंत मारण्यासाठी
फूसके ठूसके वार असतात
अविचारी माणसांकडूनच
भ्याड गोळीबार असतात
विचावंत मारण्या आधी
विचार त्यांचे वाचुन पहा
जे दुष्कृत्य करत आहात
त्याला स्वत: टोचुन पहा
तुमच्यातील अविवेकाला
विवेकाने विराम कराल
विचारवंतांच्या विचारांना
सदैव तुम्ही सलाम कराल
विशाल मस्के
सौताडा, पाटोदा, बीड.
मो.९७३०५७३७८३
विचार विचारवंतांचे
पुरोगामित्वाचा विचार
समाजात पटत जातो
मारल्यानंही मरत नाही
तो जास्तच पेटत जातो
विचारवंत मरतील कदाचित
विचार मात्र जिवंत राहतील
क्रांतीकारकांचे कार्य देखील
त्रिकालबाधित ज्वलंत राहतील
विशाल मस्के
सौताडा, पाटोदा, बीड.
मो.९७३०५७३७८३
सखे,...
सखे दमला का गुदमरला
सखेद मला कागुद मरला
लेखणीत लाजोर खळ बळला
लेखणीतला जोर खळबळला
कशा समजाऊ भावना मी
कशास मजा ऊभा वना मी
आसुसलेलो भेटायला
आसु सले लोभे टायला
समजाऊन घे मन माझे
समजा ऊन घे मन माझे
सखे तु होशील सावली
सखे तु हो शील सावली
तुझे मनन हे वेडावलो
तुझे मन न हे वे डावलो
या वे वरती मना सारखे
यावे वरती मनासारखे
तुझा वेडा पिसारा जा गं
तुझा वेडापिसा राजा गं
दिला चिमनी तु साद गं
दिलाची मनी तु साद गं
विशाल मस्के
सौताडा, पाटोदा, बीड.
मो. 9730573783
कविता आवडल्यास जरूर शेअर करू शकता,परंतु कवितेखालुन नाव काढू नये,...
प्रॉपर्टी
ज्याच्याकडे प्रॉपर्टी आहे
त्याला त्याची किंमत कळते
कित्तेक कित्तेक कामांसाठी
प्रॉपर्टीनेच तर हिंमत मिळते
स्वाभिमानाची मनामध्ये
प्रॉपर्टी ताकत भरू शकते
तर कधी आपलीच प्रॉपर्टी
आपल्याला घातक ठरू शकते
विशाल मस्के
सौताडा, पाटोदा, बीड.
मो.९७३०५७३७८३
स्रीयांची सुरक्षितता,...?
स्री-पुरूष समतेचे विचार
समाजातुन दुभंगले आहेत
अन्याय आणि अत्याचार
अजुनही ना थांबले आहेत
कित्तेक मना-मनात इथे
नैतिकता जणू खिन्न आहे
स्रियांच्या सुरक्षिततेवरती
अजुनही प्रश्नचिन्ह आहे
विशाल मस्के
सौताडा, पाटोदा, बीड.
मो.९७३०५७३७८३
रक्षा बंधनाच्या निमित्ताने
रक्षाबंधनाने समाज बदलेल
या आशेवर कदापी जाऊ नये
कुणीतरी रक्षण करील म्हणून
बहिणींनो हतबल राहू नये
स्वत:चं रक्षण करण्यासाठी
स्वत: दक्ष असायला पाहिजे
समाजाच्या बदलत्या दृष्टीवर
सदैव लक्ष असायला पाहिजे
रूढी परंपरांचे असे विधी
जरूर जरूर छंदले जावे
मात्र रासवटांच्या मनालाही
नैतिक बंधनं बांधले जावे
विशाल मस्के
सौताडा, पाटोदा, बीड.
मो.९७३०५७३७८३
बदलत्या समाजात
बदलत्या समाजाची धुरा
जमाजानं जाणायला हवी
पुरूषा बरोबर स्री सुध्दा
आता समान मानायला हवी
स्री-पुरूषांतील भेदाच्या भावना
समाजा बाहेरच गेल्या पाहिजेत
अन् स्वत:चं रक्षण करण्यासाठी
स्रीयाही सक्षम झाल्या पाहिजेत
विशाल मस्के
सौताडा, पाटोदा, बीड.
मो.९७३०५७३७८३
लोकसंख्ये बाबत
लोकसंख्या खुप वाढते आहे
हि समस्या कॅपीटल आहे
लोकसंख्या वाढणे म्हणजे
विकासालाही झळ आहे
म्हणूनच कुटुंब नियोजन हे
प्रत्येक कुटूंबात घडले पाहिजे
दारिद्र्य वाढीचे मुख्य कारण
कुटूंबातुनच ना वाढले पाहिजे
विशाल मस्के
सौताडा, पाटोदा, बीड.
मो.९७३०५७३७८३
स्मार्ट सिटी करताना
विकासा साठी प्राधान्यानं
शहरांकडे फोकस जातोय
स्मार्ट सिटीच्या चर्चेचाही
भरभराटीने विकास होतोय
शहरांचा विकास करण्या
जरूर कर्तव्यदक्ष असावं
पण जरा सरकार कडून
खेड्यांकडेही लक्ष असावं
विशाल मस्के
सौताडा, पाटोदा, बीड.
मो.९७३०५७३७८३
अच्छे दिन
आरक्षणाच्या पडलेल्या ठिणगीचा
जणू गुजरातमध्ये वनवा झाला
अन् भासवलेला विकासाचा घुंगट
एका आंदोलनाने अनवा झाला,.!
जे मॉडेल देशभरासाठी दाखवले
तिथे सांगा कोणी दीन आहेत का,.?
देशभरातुनही लोक डोकवतील की
गुजरातला अच्छे दिन आहेत का,.?
विशाल मस्के
सौताडा, पाटोदा, बीड.
मो.९७३०५७३७८३
ठिणगीवाली बात
कुणाला कमी जमजणे हा
पश्चातापी प्रकार होऊन जातो
अन् छोट्या-छोट्या गोष्टींचाही
भलामोठा अनुभव येऊन जातो
मोठ्या-मोठ्यांची मोठी बात
छोट्या गोष्टींवर अडकू शकते
अन् ठिणगीवाली बात सुध्दा
वनवा होऊन भडकू शकते
विशाल मस्के
सौताडा, पाटोदा, बीड.
मो.९७३०५७३७८३
विकासाचा प्रश्न
हलक्या-फूलक्या कामांसाठी
अवजड बजेट देण्यात येतं
अवजड बजेट देऊन देखील
काम भ्रष्टाचाराच्या पाण्यात जातं
कित्तेक विकास कामांमधूनही
भ्रष्टांचाच विकास साधला जातो
अन् विकासाचा प्रश्न सातत्याने
समाजास वारंवार बाधला जातो
विशाल मस्के
सौताडा, पाटोदा, बीड.
मो.९७३०५७३७८३
फिल्मवरचे जीवन
फिल्म बघता-बघता
फिल्मी वागू लागले
फिल्मी नशा बाळगत
फिल्मी जगु लागले
फिल्म बघता-जगता कुठे
जीवनात फिल्मी ठेवण आहे
जीवनावरच्या फिल्म ऐवजी
जणू फिल्मवरचे जीवन आहे
विशाल मस्के
सौताडा, पाटोदा, बीड.
मो.९७३०५७३७८३
कांदा खाण्यासाठी
हल्ली चर्चा-चर्चांना लागलेला
कांदा भाववाढीचा वास आहे
रोज कांदे खाणारांचाही आता
बिना कांद्याचाच घास आहे
वाढत्या भावामुळे कदाचित कांदे
दैनंदिन जेवनातुन हरवले जातील
अन् कांदा खाण्यासाठी मात्र
आठवडी दिवस ठरवले जातील
विशाल मस्के
सौताडा, पाटोदा, बीड.
मो.९७३०५७३७८३
गस्तवाले गावकरी
दुष्काळाचे दिवस पाहता
अनुचित प्रकार घडू लागले
निद्रिस्त झाल्या गावांमध्ये
चोर्यांचे विकार वाढू लागले
वस्त्यांची राखण करण्यासाठी
आपसात बार्या पाडू लागले
गस्त घालुन-घालुन गावकरी
रात्र-रात्र जागून काढू लागले
विशाल मस्के
सौताडा, पाटोदा, बीड.
मो.९७३०५७३७८३
पाण्याचे स्थलांतर
इकडचे तिकडे गेले पाहिजे
तिकडचे इकडे आले पाहिजे
किमान दुष्काळी परिस्थितीत
पाण्याचे स्थलांतर झाले पाहिजे
मात्र माणसांच्याच मदतीसाठी
माणसांचे माणूसपण कडवे होते
अन् पाण्याच्या स्थलांतरासही
प्रांतीय आकुंचन आडवे येते
विशाल मस्के
सौताडा, पाटोदा, बीड.
मो.९७३०५७३७८३
कांद्याच्या धंद्यात
कांद्याचा तुटवडा भासताच
व्यापार्यांनी भाव वाढवले
ज्यांनी कांद्याला घडवले
कांद्याने त्यांनाही रडवले
व्यापारी मित्रांनाही कांदा
शेतकर्यांनीच पुरवला आहे
मात्र या कांद्याच्या धंद्यामधून
शेतकरी जणू हरवला आहे
विशाल मस्के
सौताडा, पाटोदा, बीड.
मो.९७३०५७३७८३
कांद्याचा भाव,...
ज्यांनी पिकवले कांदे
त्यांचेच झालेत वांदे
तरीही जोरात आहेत
इथे कांद्याचेच धंदे
कांद्याची झालेली भाववाढ
हा कटू नीतीचा डाव आहे
ज्यांनी कांदे पिकवले नाही
त्यांच्याच कांद्याला भाव आहे
विशाल मस्के
सौताडा, पाटोदा, बीड.
मो.९७३०५७३७८३
सरकारी हातभार
होरपळतोय हा महाराष्ट्र
तरीही सरकार गप्प आहे
शेतकरी आत्महत्या करतोय
सरकारची भुमिका ठप्प आहे
आणीबाणी ओळखुन घेऊन
कर्तव्यदक्ष व्हायला पाहिजे
मोडत्या संसारांना शेतकर्यांच्या
सरकारने हातभार लावायला पाहिजे
विशाल मस्के
सौताडा, पाटोदा, बीड.
मो.९७३०५७३७८३
यश मिळवताना
यश मिळवायचं असेल तर
प्रयत्न हे करावे लागतात
ध्येयपुर्तीचे ध्येय वेडे
मनामध्ये भरावे लागतात
ध्येयही त्यांचेच पुर्ण होतात
ज्यांची इच्छाशक्ती प्रबळ असते
मात्र इच्छा हिन माणसांकडून
उदासिनतेचीच खळबळ असते
विशाल मस्के
सौताडा, पाटोदा, बीड.
मो.९७३०५७३७८३
मोदी साहेब,...!!!!
बिहारच्या निवडणूका आहेत
म्हणून तुम्ही त्यांना पॅकेज दिलं
आमचा मुळीच याला विरोध नाही पण
सांगा आम्ही तुमचं काय नुकसान केलं,.?
द्यायचं होतं आम्हालाही पॅकेज एक
खरंच झाले असते शेतकरी खुश
तोडले असते गळ्याचेही फास
अन् त्यागलं असतं पिण्याचं विष
तुमचा अच्छे दिनचा नारा साहेब
शेतकरी अजुन ना विसरले आहेत
पण आता कळेनासंच झालंय की
अच्छे दिन कुणाला आले आहेत,.?
विशाल मस्के
सौताडा, पाटोदा, बीड.
मो.९७३०५७३७८३
शेतकरी राजा
रोज-रोज खचतो आहे
नशिबालाच दोष देऊन
कुणी मरतो फास घेऊन
कुणी मरतो विष पिऊन
खचला आहेस तरी राजा
मरण स्वस्त करू नको
जगुन दाखव हिंमतीनंच
आत्महत्येनं मरू नको
विशाल मस्के
सौताडा, पाटोदा, बीड.
मो.९७३०५७३७८३
खिल्ली
प्रत्येकाच्या मनात स्वतंत्र अशी
द्वेशा-भावांची गल्ली असते
कधी गंभीर,कधी मिश्किल
कधी मुश्कील खिल्ली असते
खिल्ली कशी कोणाची उडवावी
याचीही भली दांडगी कला असते
तर आपण उडवलेली खिल्ली ही
कधी आपल्यासाठीच बला असते
विशाल मस्के
सौताडा, पाटोदा, बीड.
मो.९७३०५७३७८३
विचार
वैचारिक क्रांती करण्यासाठी
वैचारिकतेचाच लढा असतो
पुरोगामी विचार मांडताना
प्रतिगामित्वाला तडा असतो
म्हणूनच रासवटांकडून तो
घाता-पाताने लढला जातो
पण विचार हा मरत नसतो
तो जोमा-जोमाने वाढला जातो
विशाल मस्के
सौताडा, पाटोदा, बीड.
मो.९७३०५७३७८३
निष्कर्ष
कुणाच्या भावना आनंदल्या
कुणाच्या भावना कुस्करल्या
'महाराष्ट्र भुषण' वितरणाने
चर्चा जास्तच विस्फारल्या
वादावर पडदा टाकला तरी
पडद्याच्या आत परामर्श होतील
अन् वेग-वेगळ्या चर्चे मधून
वेग-वेगळे निष्कर्ष येतील
विशाल मस्के
सौताडा, पाटोदा, बीड.
मो.९७३०५७३७८३
पुरस्कारांच्या इतिहासात
जशा सकारात्मक गोष्टी घडतात
तशा नकारात्मकही घडत असतात
अन् सामाजिक द्वेष-भावांच्या मध्ये
सत्य मांडणारेही पीडत असतात
वर्तमानात घडणारे प्रत्येक क्षण
भविष्याचा इतिहास राहिले जातील
अन् पुरस्कारांच्या इतिहासाबरोबर
घडलेले वादही पाहिले जाताल
विशाल मस्के
सौताडा, पाटोदा, बीड.
मो.९७३०५७३७८३
भविष्यात
मना-मनात फोफावणार्या
प्रसिध्दीच्या भुका आहेत
जातीय सलोखा साधने या
लांच्छनास्पद चुका आहेत
वर्तमानी केलेल्या चुकांचेही
ऐतिहासिक वर्म राहिले जातील
अन् पुरस्कारितांचे कार्य नव्हे
त्यांचे जाती-धर्म पाहिले जातील
विशाल मस्के
सौताडा, पाटोदा, बीड.
मो.९७३०५७३७८३
अप-प्रकारांत
महाराष्ट्र भुषणच्या विरोधार्थ
आक्रमक नशा चढू लागली
सामाजिक जल्लोशाऐवजी
सामाजिक तेढ वाढू लागली
वैचारिकता बाजुला आणि
जाती-पातीलाच थारा आहे
मात्र घडत्या अपप्रकारातुन
भावनीकतेचाच चुरा आहे
विशाल मस्के
सौताडा, पाटोदा, बीड.
मो.९७३०५७३७८३
घडणार्या गोष्टींत
हव्या असलेल्या गोष्टींसह
नको त्याही गोष्टी असतात
हव्या,नको त्या गोष्टींसाठी
पुन्हा-पुन्हा पुष्टी असतात
कुणी नटलेले असतात तर
कुणी मात्र तटलेले असतात
कित्येक घडणार्या गोष्टींमध्ये
दोन्ही नाट्य थाटलेले असतात
विशाल मस्के
सौताडा, पाटोदा, बीड.
मो.९७३०५७३७८३
जात
जात पाहिली जाते इथे
धर्म पाहिला जातो आहे
माणसांमधला माणूस मात्र
माणूस आज विसरतो आहे
आज माणसांच्यासाठी इथे
माणूस "माणूस" होत नाही
अन् माणसांच्या जातीमधून
जात अजुनही जात नाही
विशाल मस्के
सौताडा, पाटोदा, बीड.
मो. 9730573783
सदरील वात्रटिका ऐकण्यासाठी व्हाटस्अप नंबर :- 9730573783
कायद्यात
कितीही बदलु द्या वेश
स्वत:चे बदलु द्या नाव
चोर झाला साव तरिही
कायद्यापुढे ना धाव
उफाळ्या मारून मारून
कुणी पडले जरी गपगार
तरी कायद्यातुन कदापीही
सुटणार नाही गुन्हेगार,...
विशाल मस्के
सौताडा, पाटोदा, बीड.
मो.९७३०५७३७८३
उंची
कधी प्रांजळ मनानं तर
कधी कपटी धोरण असतं
कुणाच्या खच्चीकरणासाठी
कुणाचं उंचीकरण असतं
एकमेकांची उंची गाठण्याची
एकमेकांमध्ये चुरस असते
मात्र वाढवलेल्या उंचीपेक्षा
वाढलेली उंची सरस असते
विशाल मस्के
सौताडा, पाटोदा, बीड.
मो.९७३०५७३७८३
दुष्काळात,...
पाऊस-पाऊस करता-करता
पावसाळा कोरडा-ठाक आहे
होरपळतोय हा निसर्ग तरीही
का पावसाची डोळेझाक आहे
या वाढत्या भीषण परिस्थितीने
उरात धसका भरू लागला
अन् दुष्काळी भागात पाऊसही
आता बोगस दौरे मारू लागला
विशाल मस्के
सौताडा, पाटोदा, बीड.
मो.९७३०५७३७८३
ये आझादी झूठी है,...?
स्वातंत्र्याकडे पाहण्याच्याही
वैचारिकता भिन्न-भिन्न आहेत
स्वातंत्र्यात जगत असलो तरी
स्वतंत्र्यावरच प्रश्नचिन्ह आहेत
आधी बाहेरच्यांनी देश लुटला
आता म्हणे आपलेच लुटत आहेत
स्वातंत्र्यात जगुनही गरिब,कष्टकरी
पारतंत्र्यापरि फरफटत आहेत,...?
विशाल मस्के
सौताडा, पाटोदा, बीड.
मो.९७३०५७३७८३
दारिद्रयाची परिसिमा
गरीब आणि श्रीमंती मध्ये
स्वातंत्र्य सर्रास दुय्यम आहे,.?
स्वातंत्र्यात जगत असलो तरी
इथले दारिद्रय कायम आहे,.!
या समस्या लक्षात घेऊन
आता युक्ती चालवली पाहिजे
अन् दारीद्रयाची परिसिमाच
देशाबाहेर घालवली पाहिजे
विशाल मस्के
सौताडा, पाटोदा, बीड.
मो.९७३०५७३७८३
इतिहासाचे पान
ज्यांनी पारतंत्र्य भोगलं आहे
त्यांना स्वातंत्र्याची किंमत कळते
स्वातंत्र्यासाठी सांडलेल्या रक्ताने
स्वातंत्र्य लढ्याची हिंमत मिळते
या स्वातंत्र्यासाठीही क्रांतीवीरांनी
पारतंत्र्यात दु:ख सोसलेलं आहे
त्यांच्या इतिहासाचं पानन् पान
आजही रक्तानं माखलेलं आहे
विशाल मस्के
सौताडा, पाटोदा, बीड.
मो.९७३०५७३७८३
वंदन तिरंग्याला
भक्ती-भावाने गात राहू
तिरंग्याचे गुण-गाण सदा
मनात राहील उंचच उंच
या तिरंग्याची शान सदा
मना-मनातुन मना-मनात
राष्ट्रप्रेमाचे स्पंदन भरू
अबाधित राखुन एकात्मता
तिरंग्याला हे वंदन करू
विशाल मस्के
सौताडा, पाटोदा, बीड.
मो.९७३०५७३७८३
या जगण्याला
पारतंत्र्याचे दु:ख सोसुन
स्वातंत्र्याचे सुख वाटले
या देशाच्या क्रांतीवीरांनी
भारत मॉ चे रूप थाटले
त्या वीरांच्या क्रांती लढ्याने
स्वातंत्र्याची चव कळाली
अगाध त्यांच्या परिश्रमाने
या जगण्याला ढव मिळाली
विशाल मस्के
सौताडा, पाटोदा, बीड.
मो.९७३०५७३७८३
सलाम
रक्तरंजित क्रांती घडवुन
हे स्वातंत्र्य आलेले आहे
कित्तेक क्रांती वीरांनीही
आपले बलिदान दिलेले आहे
त्यांच्या त्या बलिदानानेच
इथले स्वातंत्र्य नांदवले आहे
आजही त्यांना मी सलाम करतो
ज्यांनीही रक्त सांडवले आहे
विशाल मस्के
सौताडा, पाटोदा, बीड.
मो.९७३०५७३७८३
सदरील वात्रटिका ऐकण्यासाठी व्हाटस्अप नंबर :- 9730573783
एक निमित्त गटारीचे
कुणी स्वयं उतावळे असतात
कुणासाठी मात्र फूस असतात
रोज-रोज खाणारे-पिणारेही
गटारीवरती खुश असतात
गटारोत्सव साजरा करण्याचा
मनात हेका धरला जातो
अन् एक दिवसाच्या निमित्ताने
गटारीवर ताव मारला जातो
विशाल मस्के
सौताडा, पाटोदा, बीड.
मो.९७३०५७३७८३
गटारी स्पेशल
बायकोच म्हणाली नवर्याला
आपण गटारोत्सव साजरा करू
आपल्या वागण्याने थोडा तरी
आपलाच समाज लाजरा करू
आपला विचार सांगत-सांगत
आज गाव सारा फिरून येऊ
गटारी अमावश्याच्या निमित्ताने
गटारी साफ करून घेऊ,...!
विशाल मस्के
सौताडा, पाटोदा, बीड.
मो.९७३०५७३७८३
गदारोळ
प्रत्येकाला बोलायचं आहे पण
ऐकुन घेण्याची क्षमता नाही
दुसर्यांना मत मांडताना देखील
बोलण्याचा ओघ थांबता नाही
ऐकुन न घेण्याच्या मुद्यांना
कधी गोंगाटात घेतले जातात
अंगलट येणार्या गोष्टींवरून
गदारोळही घातले जातात
विशाल मस्के
सौताडा, पाटोदा, बीड.
मो.९७३०५७३७८३
राजकीय दृष्टीत
तिसर्या आघाडीच्या चर्चेमुळे
राजकीय वारे टाईट आहेत
कुणी फूशारकी मारण्यात तर
कुणी हूशारकीत पटाईत आहेत
कुणा-कुणाची फूशारकी इथे
भलतीच अग्रगण्य असते
मात्र राजकीय दृष्टीने पाहिल्यास
जणू हूशारीपुढे ती शुन्य असते
विशाल मस्के
सौताडा, पाटोदा, बीड.
मो.९७३०५७३७८३
