तडका - २२४५
शिवबा
तुमच्या मातीत तुमचेच माणसं
इथे गुलामी ने ग्रासलेले होते
अन्याय अत्याचार पिळवणुकीने
तुमचे माणस त्रासलेले होते
पण शिवबा तुमच्या पराक्रमाने
ही माती गुलामीतून मुक्त झाली
इतिहासाची पाने साक्ष देतील
ही माणसं स्वातंत्र्य युक्त झाली
अँड. विशाल मस्के
सौताडा, पाटोदा, बीड.
मे. ९७३०५७३७८३
एक्झिट पोल
वेगवेगळ्या एक्झिट पोलचे
वेगवेगळे आकडे आहेत
कुणाचे पोल सरळ सरळ तर
कुणाचे पोल लय वाकडे आहेत
एक्झिट पोलवर बघता बघता
निकालावर नजरा फिरल्या जातील
सत्तेच्या बाहेरील पार्ट्या देखील
सहज सत्तेत भरल्या जातील
अँड. विशाल मस्के,
सौताडा, ता. पाटोदा, जि. बीड.
मो 9730573783
तडका २२४३ - रावण
पटेल कुणाला नाही कुणाला
ही गोष्ट अस्सल गाभा आहे
जाळले जरी हो काल मला
आज मी नव्याने उभा आहे
कितीही जाळले तुम्ही मला
तुम्हीच जपुन ठेवणार आहात
पुढच्या वर्षी नव्या दसर्याला
नवे पुतळे लावणार आहात
रावण असा मी अमर जाहलो
मी जळायला थकणार नाही
स्वतःमधला रावण मात्र
तुम्ही कदापी मारू शकणार नाही
अँड. विशाल मस्के
सौताडा, पाटोदा, बीड.
मे. ९७३०५७३७८३
तडका - २२४२
प्रेस कॉन्फरन्स
कुणी असंतोषात तर कुणी
कुणाच्या कात्रीत अडकतात
म्हणुनच विस्फोटक बातम्या
जनतेत रात्रीत धडकतात
पत्रकारांपासुन दुर पळणारे ही
पत्रकार शोधत फिरू लागतात
जनतेत बोभाटा करण्यासाठी
प्रेस कॉन्फरन्स करू लागतात
अँड. विशाल मस्के
सौताडा, पाटोदा, बीड.
मे. ९७३०५७३७८३
तडका - २२४१
राजकारण
काल जरी ते तिकडे होते,
पण आज इकडे आले आहेत
काल कडवट वाटणारेच
आज गोड गोड झाले आहेत
हे येणे आणि जाणे म्हणजे
कल पाहुन तोल टाकणे असते
सत्तेचे स्वप्न बघत बघत
स्वत:चाच अंगठा चुकणे असते
कधी कुठे आणि काय घडेल
हे घडल्यावरच कळले जाते
तेव्हा कळतंं हे राजकारण
इमानदारीने कुठे पाळले जाते,.?
अँड. विशाल मस्के
सौताडा, पाटोदा, बीड.
मे. ९७३०५७३७८३
योजनाच योजना
योजनांवर योजनांचा पाऊस
जनता लाभाने चिंब झाली
सरकारचा चेहरा पाहताना
योजनाच प्रतिबिंब झाली
योजना एक असली तरीही
जाहिराती अनेक होत आहेत
निवडणूकांना लक्षात ठेवुन
योजनांचे श्रेय घेत आहेत
योजना आणि जाहिरातीत
सरकार कर्जात बुडू नये
पण योजना कुठलीही असुद्या
जनतेने योजना सोडु नये
अँड. विशाल मस्के
सौताडा, पाटोदा, बीड.
मे. 9730573783
मृत्युचा चकवा
जगलो खुप जगणं तरीही
जगण्याचा ना थकवा आहे
पाहताक्षणीच दिसुन येतो
हा मृत्यु मोठा ठकवा आहे
इथे माणसाला माणुस बघा
सहज सहज ठकवु शकतो
पण ठकाच्या महाठकालाही
मृत्यु सहज झुकवु शकतो
इमानाने जीवन जगणारेही
मृत्युच्या तावडीतुन सुटले नाही
असे कोण आहे तेच सांगा
जे मृत्युच्या तावडीत गटले नाही
इथे कित्येक महान व्यक्ती होत्या
त्यांचे मृत्यु जगाची पोकळी आहे
पण जो जन्म घेतो तो मरण पावतो
हीच निसर्गाची साखळी आहे
हा जन्म आहे मरणासाठीच
पण मरण चुकवत जगु चला
माणसांनो माणसांना जपा
आज माणुसकीने वागु चला
एकमेकांस सहाय्य करू
जीवनात पुढेच जाऊ चला
पावलोपावली क्षणाक्षणाला
मृत्युला चकवा देऊ चला
ना ठावुक या वाटेवरती
मृत्यु कुठंशी बसला असेल
पण जेव्हा जेव्हा चकला असेल
मृत्यु नक्कीच हसला असेल
अँड. विशाल मस्के
सौताडा, पाटोदा, बीड.
मो. 9730573783
