भक्ती,...!
आहेत भक्त भोळे म्हणून
हवे तसे भुलवले जातात
भक्तांच्या भोळे पणावरच
कुठे उद्योग चालवले जातात
कित्तेक श्रध्देच्या ठिकाणीही
भोंदूगीरी सादरलेली आहे
वाढत्या दांभिक प्रकरणांमुळे
भक्ती मात्र भेदरलेली आहे,...
विशाल मस्के
सौताडा, पाटोदा, बीड.
मो.९७३०५७३७८३
प्रयोग फसले,...!
कृत्रिम पावसाच्या प्रयोगासाठी
ढगही होते उत्सुकलेले
खडसावताहेत आज तुम्हाला
हे प्रयोग सारे फसलेले
जखमेवरती मीठ चोळल्याने
आमचे डोळे कसे हो पुसायचे,.!
प्रयोग नियंत्रणाखाली आहे म्हणून
तुम्ही नियंत्रणावर का बसायचे,.?
विशाल मस्के
सौताडा, पाटोदा, बीड.
मो.९७३०५७३७८३
गाव गुंड्या
कुणी सहजच ठकले जातात
कुणी पैशांत विकले जातात
ग्रामपंचायती राजकारणात
टोलेजंग डाव टाकले जातात
कुणाचे डाव साधतात तर
कुणाचे डाव फसुन जातात
मात्र गावच्या गाव गुंड्या
निकालातंच दिसुन येतात
विशाल मस्के
सौताडा, पाटोदा, बीड.
मो.९७३०५७३७८३
पाणी
प्रवाहा विरूध्द पोहण्याचे
निर्णय कधी गैर असतात
पाण्या मध्ये राहून कधी
पाण्याशीच वैर नसतात
पाणी जीवन असलं तरी
पाणी मरणही होऊ शकतं
जगण्या-मरण्याची साक्ष
पाणी सुध्दा देऊ शकतं
विशाल मस्के
सौताडा, पाटोदा, बीड.
मो.९७३०५७३७८३
भविष्यात,...
दिवसें-दिवस टेक्नॉलॉजीत
नव-नविन बदल घडू लागले
हे मान्यच करावं लागेल की
माणसंही पाऊस पाडू लागले
कदाचित संपेल गरज टँकरचीही
भविष्यात बदल फिरू लागतील
कृत्रिम पावसाच्याच मागण्याही
पाण्यासाठी लोक करू लागतील
विशाल मस्के
सौताडा, पाटोदा, बीड.
मो.९७३०५७३७८३
----------- कहाणी,... -----------
त्याच्या थेंब-थेंब बरसण्याने
ती सतत-सतत खुश झाली
पण जेव्हा-जेव्हा तो दुर गेला
ती तेव्हा-तेव्हा बुश झाली
ओलिचिंब भिजायची तेव्हा
ती सुगंध सोडत फुगायची
अवती-भवती तीच्या सारी
ही सृष्टी सदैव फुलायची
पण का कुणास ठाऊक
त्यांचा ब्रेक-अप झाला होता
तीला त्याची आस होती
पण त्याने दगा दिला होता
ती प्रतिक्षा त्याची करत होती
हा विरह मात्र ना सरत होता
तो मात्र दुरून-दुरूनच पाहत
तीच्या अवती-भवती फिरत होता
एकमेकांची गरज असताना जणू
त्यांची नैसर्गिकता संपली होती
त्यांच्या या ब्रेक-अप प्रकरणानं
हि सृष्टीही सारी कंपली होती
दोघांच्या मनी प्रेम असतानाही
का त्यांच्यात अशी तटस्थी झाली
त्यांच्या या ब्रेक-अप प्रकरणात
आम्ही मग कृत्रिम मध्यस्थी केली
आता तो ढगांतुन बरसला होता
ती ही पुरती आनंदी झाली होती
पहा पाऊस आणि धरतीची ही
अशी कहाणी घडली होती,...
विशाल मस्के
सौताडा, पाटोदा, बीड.
मो. 9730573783
सदरील कविता आवडल्यास जरूर शेअर करावी,परंतु कविते खालुन नाव काढू नये,...
कृत्रिमतेत
जस-जशी गरज भासु लागेल
तसा निसर्ग झुलवु लागतील
निसर्ग चक्रात चालता-चालता
माणसं निसर्ग चालवु लागतील
नैसर्गिक नाही झाले तरीही
माणसं कृत्रिम ओले होतील
गरज भासेल तेव्हा-तेव्हा
ढगांचे सिझर केले जातील
विशाल मस्के
सौताडा, पाटोदा, बीड.
मो.९७३०५७३७८३
