मराठी वात्रटिका आणि कविता

लाच लेबल असलेली पोस्ट दाखवित आहे. सर्व पोस्ट्‍स दर्शवा

बुधवार, ३ मे, २०१७

लाच

लाच देणे-घेणे गुन्हा आहे
कित्तेकजण रोज बोलतात
तरीही गरज नसताना इथे
लाचेचे व्यवहार चालतात

भ्रष्टाचारी व्यवहारांची तर
कित्तेक मनाला चीड आहे
पण लाच देणे अन् घेणे ही
टेबला-टेबलाला किड आहे

विशाल मस्के
सौताडा, पाटोदा, बीड.
मो. ९७३०५७३७८३

लाच

घेताही येत नाही
देताही येत नाही
तरी देखील लाच
बंद का होत नाही

कुठे ना कुठे रोज-रोज
हि समाजात भेटते आहे
विकासाच्या प्रगतीचा
लाच गळा घोटते आहे

विशाल मस्के
सौताडा,पाटोदा,बीड.
मो. ९७३०५७३७८३

लाच

कधी टेबला वरून असते
कधी टेबला खालुन असते
कधी-कधी न बोलताच तर
कधी-कधी बोलुन असते

दिली-घेतली जाणारी लाच
दोन्हीही बाजुने गुन्हा असते
कायद्यानं गुन्हा असली तरी
वास्तवात पुन्हा-पुन्हा असते

विशाल मस्के
सौताडा, पाटोदा, बीड.
मो. ९७३०५७३७८३