बहिष्कृत चहा-पान
आपुलकीच्या निमंत्रणाला
तिरस्कारीत संगत असते
अन् अधिवेशनीय चहापान
दोन्ही बाजुने रंगत असते
विरोधकांची विरोधी काया
नाराजीतही प्रविण असते
बहिष्काराची ही रीत जुनी
पालवी मात्र नविन असते
विशाल मस्के
सौताडा, पाटोदा, बीड.
मो.९७३०५७३७८३
छुप्या संपत्ती
कमावण्याला बंधन नाही
हेतु शुध्द असायला हवा
कमावलेला एक-एक पै
नीतीबध्द दिसायला हवा
ज्यांनाही याचे भान आहेत
त्यांच्या श्रीमंतीला मान आहे
नसता छुप्या संपत्ती या तर
काळ्या बाजारची घाण आहेत
विशाल मस्के
सौताडा, पाटोदा, बीड.
मो.९७३०५७३७८३
उसणी मैत्री
स्वार्थ साधता यावा म्हणून
उसणी गोडी जपली जाते
मनी शत्रु असणार्‍याशीही
जनी मैत्री थापली जाते
प्रभारी मैत्रीतलं शत्रुत्व मात्र
मनी प्रकर्षानं भासत असते
अन् अहंतामिश्रीत मैत्री सदैव
मैत्रीमध्येच धुसफूसत असते
विशाल मस्के
सौताडा, पाटोदा, बीड.
मो.९७३०५७३७८३
लोक समस्या
लोकसंख्या वाढीच्या तक्रारी
सर्रासपणे ठोकल्या जातात
अनेक अपत्यांच्या आशाही
पारंपारिक हाकल्या जातात
कुटूंब नियोजनाची मर्यादा
जरी अस्तित्वात आली आहे
तरी वाढती लोकसंख्या ही
लोक समस्या झाली आहे
विशाल मस्के
सौताडा, पाटोदा, बीड.
मो.९७३०५७३७८३
आपल्यासाठी
निष्काळजीपणाने कधीच
कुणीही ना मरायला पाहिजे
आपली काळजी कधीतरी
आपणही करायला पाहिजे
किमान स्वत:च्या सुरक्षेकरता
उघड्यावर ना बसायला पाहिजे
लोकांसाठी नव्हे आपल्याचसाठी
दारी शौचालय असायला पाहिजे
विशाल मस्के
सौताडा, पाटोदा, बीड.
मो.९७३०५७३७८३
भेटी
कुणाच्या भेटी अवचित तर
कुणाच्या भेटी ठरवुन असतात
कुणा-कुणाच्या भेटी मात्र
पुन्ह-पुन्हा गिरवुन असतात
कुणाच्या भेटी गुपित असतात
कुणाच्या भेटी ओठी असतात
अन् कित्तेक भेटीं मधून मात्र
कधी भेटी अंती भेटी असतात
विशाल मस्के
सौताडा, पाटोदा, बीड.
मो.९७३०५७३७८३
सत्ता आणि जनता
ज्याचे जसे विचार असतात
तसेच त्याचे प्रचार असतात
सत्ता देणारेच कधी-कधी
सत्तेपुढे लाचार असतात
गोड गुल-गुल बाता बोलुन
जनतेला आधी फसवलं जातं
अन् निवडून आल्यावर जनतेला
आपल्या इशार्‍यावर नाचवलं जातं
विशाल मस्के
सौताडा, पाटोदा, बीड.
मो.९७३०५७३७८३
