मराठी वात्रटिका आणि कविता - विशाल मस्के: शेतकरी

शेतकरी लेबल असलेली पोस्ट दाखवित आहे. सर्व पोस्ट्‍स दर्शवा

सोमवार, १६ जुलै, २०१८

शेतकरी

शेतकरी झटला-झटला
मोबदला भेटला नाही
जगण्यासाठी कर्ज केले
कर्जातुनही सुटला नाही

निमुटपणे सहन केले
तरी त्याला घाटा होतो
हक्कासाठी संघर्ष केला
तरी त्याचा तोटा होतो

अॅड. विशाल मस्के
सौताडा, पाटोदा, बीड.
मो. ९७३०५७३७८३

शेतकरी

स्वत: पिकवल्या धान्याचा
ना तोंडी सुखाचा घास आहे
कर्जात बुडतोय शेतकरी
गळी सावकारी फास आहे

आर्थिकदृष्ट्या समाजात
शेतकरी बळावला पाहिजे
आता प्राधान्याने विकास
त्याकडे वळवला पाहिजे

विशाल मस्के
सौताडा, पाटोदा, बीड.
मो. ९७३०५७३७८३

शेतकरी,...

शेतकर्यांना इजा होणारी
कुणी भाषा करू लागलेत
ज्यांच्या आशा धरायच्या
तेच ठोशा मारू लागलेत

'शेतकरी जगाचा पोशिंदा' या
निष्ठेचा आशय गेला आहे
अन् शेतकरी जणू त्यांच्या
चेष्ठेचा विषय झाला आहे,..?

विशाल मस्के
सौताडा,पाटोदा,बीड.
मो.९७३०५७३७८३