उपकार
दैनंदिन वावरताना
हा अनुभव येतोय
मुलगी शिकल्यामुळे
समाज प्रगत होतोय
समाजात वावरताना
महत्व वाढलेय बाईचे
कदापी फिटु शकत नाही
हे उपकार सावित्री माईचे
ॲड. विशाल मस्के
सौताडा, पाटोदा, बीड
मो. ९७३०५७३७८३
मंगळवार, २ जानेवारी, २०२४
शुक्रवार, २९ डिसेंबर, २०२३
तडका - लोकशाहीचा विजय असो
लोकशाहीचा विजय असो
कोण कुणासोबत गेलय
ते आम्ही पाहिले आहे
युती आणि आघाड्यांचे
राजकारण बाकी राहिले आहे
घडत्या राजकीय घडामोडींत
आता अजुन अंत पाहु नये
लोकशाही च्या मजबुती करता
इथला "वंचित" वंचित राहु नये
ॲड. विशाल मस्के
सौताडा, पाटोदा, बीड
मो. ९७३०५७३७८३
बुधवार, २ ऑगस्ट, २०२३
शुक्रवार, २८ जुलै, २०२३
शनिवार, २५ फेब्रुवारी, २०२३
गीत मोडलेल्या आयुष्याचे
~!!! गीत मोडलेल्या आयुष्याचे !!! ~
माझ्याच पाऊलखुणा, मोडत मी जात होतो
मोडलेल्या आयुष्याचे, गीत मी गात होतो
त्यात नव्हता भाव काही
त्यात नव्हता डाव काही
जे मी आज मोडत होतो
ते होते माझेच नाव काही
माझ्याच बरबादी चा, मी जणु कात होतो
मोडलेल्या आयुष्याचे, गीत मी गात होतो
ना कुणीही माझे होते
ना कुणाचे ओझे होते
आपुलकीच्या उंची वाले
आज स्वार्थापुढे खुजे होते
त्यांचा स्वार्थही मी, घटघटा पीत होतो
मोडलेल्या आयुष्याचे, गीत मी गात होतो
या मोडलेल्या आयुष्याचा
यमक आज हुकला आहे
आणि आयुष्य जगण्याचा
हा अंदाज ही चुकला आहे
माझी जीभ चावणारा, मीच जणु दात होतो
मोडलेल्या आयुष्याचे, गीत मी गात होतो
हा धडा शिकण्यासाठी
कित्येक धडे घ्यावे लागले
गोड वाटणारे कडवट घोट
कित्येक घडे प्यावे लागले
तरी सुखाची वाट, अधाशीपणे पहात होतो
मोडलेल्या आयुष्याचे, गीत मी गात होतो
विशाल मस्के
सौताडा, पाटोदा, बीड.
कविता ऐकण्यासाठी व्हाट्सएप नंबर :- 9730573783
शुक्रवार, ११ नोव्हेंबर, २०२२
तडका २२३० - गांधीजी
गांधीजी
दिसुन येते स्वार्थी लगबग
इथे सत्ता ओढुन पळायची
आज भारत जोडायची नव्हे
गरज आहे जोडुन ठेवायची
तरच भारताचे भविष्य सदा
सदाबहार फुललेले असेल
भारतीयांचे मन भारतीयांशी
आपुलकीने जुळलेले असेल
हि तर क्रांतीची झलक आहे
त्या दिशेने एकेक पाऊल आहे
आणि या यात्रेचा अथक यात्री
गांधीजी तुमचाच राहुल आहे
ॲड. विशाल मस्के
सौताडा, पाटोदा, बीड
मो. ९७३०५७३७८३
मंगळवार, २५ जानेवारी, २०२२
तडका - विशाल संदेश
विशाल संदेश
तुज हाती चावी आहे
या देशाच्या ही सत्तेची
तुच ठरव दिशा आता
या देशाच्या गुणवत्तेची
संविधानिक बलाढ्य बल
बघ तुज पाठी खंबीर आहे
उठ उधळून भोवळ तुझी
तुच देशाचा शूरवीर आहे
सत्तेतील सुस्त गेंड्यांपुढे
तु कधीही घसरू नकोस
तुज हातीच चावी सत्तेची
कदापिही विसरू नकोस
ॲड. विशाल मस्के
सौताडा, पाटोदा, बीड
मो. ९७३०५७३७८३
याची सदस्यत्व घ्या:
पोस्ट (Atom)