माय मराठी

 

भारताचे संविधान

 हा व्हिडीओ पाहुन तुम्हाला भारतीय असल्याचा अभिमान वाटेल

नक्की पहा

https://youtu.be/BMf_kC35_24?si=PJEUAYF0A4eXlY5n

शिवाजीचा वार झाला

 

माणसं

 

तडका २२३८ - अशोक चा शोक

 *तडका - २२३८*

अशोक चा शोक

तोडा फोडा अन् राज्य करा

ही सत्ताधारींची नीती आहे

ज्याने सत्तेत घोटाळे केले

त्यांना राजकीय भीती आहे

सत्तेत जाता पाप धुतले जाते

हा आता निव्वळ जोक नाही

म्हणुन अशोक च्या सोडचिठ्ठीचा

जनतेला काहीच शोक नाही

ॲड. विशाल मस्के

सौताडा, पाटोदा, बीड

मो. 9730573783

तडका - हा आदर्श बरा नव्हे

 हा आदर्श बरा नव्हे

महाआघाडीतील महाभाग

महायुतीत घुसायला लागले

विरोधी भुमीका बजावणारे

नक्की काय ढोसायला लागले

ब्लॅकमेलिंग म्हणलं तर बघा

आजचा पक्ष प्रवेश खरा नव्हे

कालचा आदर्श दडपवण्यासाठी

आजचा हा आदर्श बरा नव्हे

ॲड. विशाल मस्के

सौताडा, पाटोदा, बीड

मो. ९७३०५७३७८३

निखिल वागळेंचं सत्य

निखिल वागळेंचं सत्य

निप:क्ष पाहिला, निर्भिड पाहिला

मात्र लाचार कधी दिसला नाही

चिरफाडात सत्य शोधताना

भयभीत कधीही वाटला नाही

समाजाचा आरसा बनताना

धुळ कायम दुर ठेवली आहे

छुपी गोष्टही उघड करून

समाजासमोर दावली आहे

अन्याय अत्याचार समजताच

पहिली बातमी त्याची असते

जनतेचा आवाज उठवताना

त्याला कुणाची गोची नसते

म्हणुनच समाज मनात त्याने

त्याची जागा बनवली आहे

जनतेचं प्रेम, आपुलकी सोबत

इज्जत ही त्याने कमवली आहे

सत्य सांगणाराचं तोंड सदा

नको तितकं बळकट असतं

कारण त्याच्या प्रतिमेला तर

कधी लाचारीचं कळकट नसतं

म्हणुनच ताठ मान ठेवुन

तो आजचा सवाल उठवतो

त्याच्या प्रश्नांनी समोरच्याच्या

डोक्याच्या आट्या गोठवतो

आजचा सवाल पाहून पाहुन

लोक ही हुशार झाले आहेत

त्याच्या परस्परच लोकांनी

त्याचे प्रचार ही केले आहेत

समाजाचे वास्तव मांडताना

वाइट अनुभवही भोगले आहेत

ज्यांचे गुणगान मी गातो आहे

ते पत्रकार निखिल वागळे आहेत

होय, त्यांचे प्रश्न, त्यांच्या भुमिका

आम्ही सदैव पाहिल्या आहेत

प्रतिगामींना झोंबतील अशा

खुट्या त्यांनी रोवल्या आहेत

त्याचाच परिणाम म्हणुन तर

वागळे त्यांना टोचु लागले

आगी फोकाच्या नादी लागुन

ते मन गाभार्यात नाचु लागले

सत्याचा आवाज दाबन्यासाठी

वागळेंना आवरणं गरजेचं आहे

पण सत्याची मांडणी करताना

वागळेंच बळही बेरजेचं आहे

हा संतापलेला झंझावात आहे

याला विझवणाराच जळतो आहे

जेवढा उलगडत जाऊ तेवढा

निखिल वागळे कळतो आहे

फुले, शाहु, आंबेडकरांच्या

विचारांचा बोलण्यात ठसा आहे

शिवरायांच्या स्वाभिमानाचा

मनात त्यांच्या वसा आहे

निखिल वागळेंना रोखायला

भक्तांचे फडच्या फड आलेत

पण तरीही हुकमी राजवटीला

निखिल वागळे जड झालेत

त्यात ही मजबुत मुसंडी देऊन 

वागळेंचा ताठर मारा आहे

निर्भय बनो, निर्भय बनो

वागळेंचा जनतेला नारा आहे

निखिल वागळेंच्या संघर्षाला

खरच सलाम केला पाहिजे

लोकशाही च्या विजया साठी

मतदार निर्भय झाला पाहिजे

ॲड. विशाल मस्के

सौताडा, पाटोदा, बीड

मो. 9730573783

तडका - कमळाबाईचा वास

 कमळाबाईचा वास

पुतण्या सांगे काका ला

बस करा आता वय झालं

अजुन कुठवर संभाळता

तुमचं नेतृत्व लय झालं

नेतृत्व मलाही जमु शकतं

ही गोष्ट एवढी बडी़ नाही

तुमची वेळ निघून गेली

आता ही तुमची घडी नाही

काकांच्या घडीतील वेळेवरच

पुतण्या ने गल्ला भरला होता

आता मात्र काका च्या घडी वर

पुतण्या ने डल्ला मारला होता

जरी चिन्ह आणि नावही गेलं

काका मात्र अजुन उभे आहेत

पण दोघांच्याही मनात आता

स्वहिताचेच मनसुबे आहेत

तसं पहायला गेलं तर बघा

पुतण्या काकाच्या छत्रीत आहे

महाराष्ट्र हे जाणतो आहे की

कोण कुणाच्या कात्रीत आहे

कधी मनात पाल चुकचुकते

ही लढाई एक भास आहे

काका-पुतण्याच्या लढाईला

कमळाबाईचा वास आहे, ?

ॲड. विशाल मस्के

सौताडा, पाटोदा, बीड

मो. ९७३०५७३७८३

कमळाबाईचा वास

समतेचे शिलेदार

समतेचे शिलेदार


समाजाला हे सांगणं आहे
सत्य सांगतो ही थाप नाही
इथे सामाजिक स्वातंत्र्य आहे
कुणीच कुणाचा बाप नाही

बहिष्काराचे दिवस संपलेत
संविधानिक मूल्य विसरू नये
भुजात बळ आलंय म्हणुन
सामाजिक द्वेष पसरवु नये

मतभेद करावे, विरोध करावे
नितिमत्ता मात्र ढासळु नये
आरोप प्रत्यारोप करते वेळी
बुध्दीचे ताक हिसळु नये

समाज आता प्रगत आहे
विषमता वादी होत नसतो
पण हे आगलावे नेते म्हणजे
हा समाजाचा घात असतो

त्यामुळेच  समाज बांधवांनो
ऐका हा सल्ला आहे मोलाचा
तुमच्या वैचारिक क्षमतेवरच
हा सुर्य तळपतोय समतेचा

या समतेचं हे तेज सदैव
अविरत पणे तळपत रहावं
माणसांनीच माणसांकडे
सदा माणुसकी ने पहावं

तरच सामाजिक समतेने
वैचारिक लढाई लढली जाईल
समाजात विष पेरणारांची
हि खोड देखील मोडली जाईल

उठा बंधुंनो जागे व्हा
ही जिम्मेदारी घेऊ या
अन् सामाजिक समतेचे
चला शिलेदार होऊ या


अँड. विशाल मस्के
सौताडा, पाटोदा, बीड.
मो. 9730573783

तडका - नेते गुंड

 नेते गुंड

राजकीय युती असली जरी

वैयक्तिक मात्र खेद असतात

सत्तेत गळ्यात-गळे असुनही

मना मध्ये सुपर भेद असतात

म्हणुनच जीवघेणे हल्ले इथे

निर्भयपणे घडवले जातात

कित्येक गुंड प्रवृत्तीचे नेतेही

पक्षा-पक्षांत वाढवले जातात

ॲड. विशाल मस्के

सौताडा, पाटोदा, बीड

मो. 9730573783

तडका - सत्तेचं गणित

 सत्तेचं गणित

जे निवडून येऊ शकतात

त्यांचा पराभव होऊ शकतो

तर निवडून न येणारांकडुनही

हा पराभव केला जाऊ शकतो

म्हणुनच युती, आघाड्यांची

इथे नेहमी गरज पडली जाते

अन मतांचा अंदाज घेत-घेत

इथे निवडणूक लढली जाते

सरकार स्थापन करण्यासाठी

त्यांचा मोठा आटा-पीटा असतो

पण त्यांना सत्ता देण्याकरीता

मतदारांचाच मोठा वाटा असतो

ॲड. विशाल मस्के

सौताडा, पाटोदा, बीड

मो. 9730573783