घोटाळ्यांत
घोटाळ्यांच्या शिडीवरती
भले भले स्वार असतात
त्यांच्या त्या भ्रष्ट प्रवृत्तीचे
सामान्यांवर वार असतात
जोवर मलाई मिळेल तोवर
भ्रष्टाचारी घोटाळ्यांचे फॅन
मात्र घोटाळा बाहेर येताच
पद प्रतिष्ठाही होते म्यान,..
विशाल मस्के
सौताडा,पाटोदा,बीड.
मो.९७३०५७३७८३
घोटाळ्यांत
ज्यांची प्रगती व्हायला हवी
त्यांनाच अजुन लाभ नाही
आम्हाला याची जाण आहे
हि साधी-सुधी बाब नाही
ज्यांचे विचारच भ्रष्ट आहेत
त्यांच्यात फरक ना पडतो आहे
जिथे महापुरूषांची नावं आहेत
तिथेही भ्रष्टाचार घडतो आहे
अशा घोटाळ्यांचे प्रकरणंही
रोज-रोज ताजे येत आहेत
माणसांच्या नजरेतुन माणसं
पुन्हा-पुन्हा खुजे होत आहेत
विशाल मस्के
सौताडा, पाटोदा, बीड.
मो. ९७३०५७३७८३
