हा ब्लॉग शोधा

मंगळवार, १६ नोव्हेंबर, २०२१

तडका - हे मनोरूग्णिका

✨✨✨ *तडका - २२२८*✨✨✨

हे मनोरूग्णिका

मनावरती  झालाय आघात
तुझं मन भलतच बडबडतय
कुणी म्हणावं शहाणं म्हणून
ते कडू लाही गोड बोलतय

तुझ्या बुध्दीचा विचार करता
विचारणार नाही की हे "क्युं" आहे
कारण "अवार्ड ऑफ द मनोरूग्णिका"
"स्पेसिअली फॉर यु" आहे,...

ॲड. विशाल मस्के
सौताडा, पाटोदा, बीड
मो. 9730573783

___________________________________

बुधवार, २७ ऑक्टोबर, २०२१

तडका - 'पेट रोल'

'पेट रोल'

कुणीही बोला, कितीही बोला
हा घोळ वाटतं सुटणार नाही
त्यांचेच बोल त्यांनाच दाखवा
आज त्यांनाही पटणार नाही

त्या जुन्या त्यांच्या बाता आणि
जुन्याच त्यांच्या थापा आहेत
अहो अच्छे दिन जगता जगता
सामान्यांना भलत्या धापा आहेत

यात झालेत कुणी उबदार मात्र
कुणी भलत्या आर्थिक थंडीत आहे
महागाईचा विकास करता करता
इथे 'पेट रोल' मात्र कोंडीत आहे

ॲड. विशाल मस्के
सौताडा, पाटोदा, बीड
मो. ९७३०५७३७८३

शनिवार, २५ सप्टेंबर, २०२१

तडका - भरती

 ✨✨✨ *तडका - २२२६* ✨✨✨

भरती

तेच म्हणाले पळा-पळा
लोक भलते पळत सुटले
तेच म्हणाले छळा-छळा
अन् लोकही नकळत लुटले

त्यांच्या बौध्दिक कुवतीची
चर्चाही रंगली असावी
कारण भरती घेणारांचीही
भरतीच चांगली असावी

ॲड. विशाल मस्के
सौताडा, पाटोदा, बीड
मो. 9730573783

-----------------------------------------------


बुधवार, १८ ऑगस्ट, २०२१

तडका - रोकडा ठार!

 रोकडा ठार! 


रोकडा ठार! रोकडा ठार! 

अहो पेट्रोल गेलं शंभर पार

तुम्ही येऊन बघा बाजारात

गॅस ही चाललाय हजारात


राज्यासह केंद्राचे ही कर

जनता आमची सोसते आहे

सरकार जनतेला पोसते की

जनता सरकारला पोसते आहे ?


ॲड. विशाल मस्के

सौताडा, पाटोदा, बीड

मो. ९७३०५७३७८३


शुक्रवार, १६ जुलै, २०२१

तडका - डॉक्टर

 डॉक्टर


मरणापासुन वाचवु शकतो

मरणा पर्यंत पाठवु शकतो

अहो तब्येतीत बिघाड होताच

लगेच डॉक्टर आठवु शकतो


आपल्या सुखी जगण्याचा

तो ही एक प्रोटेक्टर असतो

माणसांची सेवा करणारा

देव माणूस डॉक्टर असतो


ॲड. विशाल मस्के

सौताडा, पाटोदा, बीड

मो. ९७३०५७३७८३


बुधवार, ७ जुलै, २०२१

तडका - वकील

 वकील


छोटा असतो, मोठा असतो

मध्यम आणि हूशार असतो

प्रत्येक स्तरात असला तरी

वकील कधी लाचार नसतो


भल्या मोठ्या संकटांतुनही

वकील सहज सहज तारतो

म्हणूनच तर संकटकाळी

वकील प्रत्येकालाच स्मरतो


कुणासाठी असतो दिशादर्शक

कुणासाठी मात्र खंजर असतो

जगणे ही हैराण करू शकतो

कारण वकील पण डेंजर असतो


ॲड. विशाल मस्के

सौताडा, पाटोदा, बीड

मो. ९७३०५७३७८३


सोमवार, २१ जून, २०२१

तडका - लाटा कोरोना च्या

 लाटा कोरोना च्या


कुठे कमी, कुठे शिल्लक

दवाखान्यात खाटा आहेत

एका पाठोपाठ एक अशा

कोरोना च्या लाटा आहेत


कोणत्या लाटेत कोणाला धोका

याचेही टार्गेट फिक्स आहेत

नव्या लाटेच्या उद्रेकासाठी

जुन्या लाटांचे साक्ष आहेत


ॲड. विशाल मस्के

सौताडा, पाटोदा, बीड

मो. ९७३०५७३७८३