दुष्काळ भावनांचा
नाते जरी तेच असले तरीही
मनं मात्र हल्ली बदलले आहेत
माणूसकीच्या फिलिंग्स मधून
माणसं बघा आदळले आहेत
अहो पुर्वी माणसांच्या जाण्याने
गावंच्या गावं ओसाड व्हायची
गांवचा माणूस मेला तरीही
गांवभर लोक देखील रडायची
पण आता परिस्थिती बदलली
भावनांचा तुटवडा भासत आहे
गेला तो सोडून देऊन पुढे चला
हे वास्तव समाजात दिसत आहे
अॅड. विशाल मस्के
सौताडा, पाटोदा, बीड.
मो. ९७३०५७३७८३
आ-रक्षण
संघर्षवान व्हावं लागलं
अन् संघर्षही केला आहे
आम्ही केल्या संघर्षाचा
निष्कर्षही आला आहे
पण ना इथेच थांबायचंय
अजुनही दक्ष रहावे लागेल
हाती भेटलेले हे आरक्षण
टिकवण्या झगडावे लागेल,.?
अॅड. विशाल मस्के
सौताडा, पाटोदा, बीड.
मो. ९७३०५७३७८३
"घे" राव
नको नको म्हणताही
तीने मुद्दाम घेरलं होतं
माझ्या मनी तीचं भय
आता खोलवर पेरलं होतं
तीला सहन करणारा मी
आता तीचाच बंदी आहे
मला घेराव घालणारी ती
आपली लाडकी थंडी आहे
अॅड. विशाल मस्के
सौताडा, पाटोदा, बीड.
मो. ९७३०५७३७८३
कशी झाली दिवाळी,.?
सहज सहज बोलणेही
आता जिव्हारी लागु लागले
मनी एकच वहीम आहे
लोक मुद्दाम वागू लागले
निसर्गाने केलीय बघा, सरळ सरळ टवाळी
तरी लोक विचारतात, कशी झाली दिवाळी,.?
ना खरीपाला पाऊस होता
पिकं जगण्या इतका
ना रब्बीला पाऊस झाला
पेरण्या करण्या इतका
ऐन पेरणीतच, सारी जमीन होती भेगाळली
तरी लोक विचारतात, कशी झाली दिवाळी,.?
झाला असता योग्य पाऊस
तर पेरणी वेळेवर झाली असती
अन् मग आमच्याही घरी ती
हसरी दिवाळी आली असती
निसर्गाने दिलीच नाही, आमच्या कष्टाला टाळी
तरी लोक विचारतात, कशी झाली दिवाळी,.?
फटाक्यांचा नादही जणू
मनी आक्रोेश भासत आहे
अन् आकाशातील रोषनाई
आगी पाऊस दिसत आहे
जराही मन रमलं नाही, दिवाळीच्या फराळी
तरी लोक विचारतात, कशी झाली दिवाळी,.?
दिवाळी निमित्त सांगणे एकच
मनी माणूसकीची वात असावी
आज ऊसवलो, ऊद्या सावरू
पण फक्त तुमची साथ असावी
तरच पुन्हा शेतात, फूलवू नव्याने हिरवळी
सांगा तुम्ही तुमची,कशी झाली दिवाळी,.?
कवी
विशाल मस्के
सौताडा, पाटोदा, बीड.
मो. ९७३०५७३७८३
--------------------------------------------------------------
कविता पाहण्यासाठी YouTube लिंक :- https://youtu.be/XY5KPRlPZvM
किंवा व्हाटस्अप करा :- 9730573783
---------------------------------------------------------------
