हा ब्लॉग शोधा

सोमवार, ३० नोव्हेंबर, २०१५

तडका - राष्ट्रप्रेमाचे लक्षण

राष्ट्रप्रेमाचे लक्षण

आपल्या देशाचे राष्ट्रगीत
सदैवच भव्य-दिव्य असते
राष्ट्रगीताचा सन्मान करणे
देशवासियांचे कर्तव्य असते

आपल्या देशावरचे प्रेम
सन्मानाचे रक्षण असते
अन् राष्ट्रगीताचा आदर हे
राष्ट्रप्रेमाचे लक्षण असते

विशाल मस्के
सौताडा,पाटोदा,बीड.
मो.९७३०५७३७८३

तडका - "देवा"च्या नावाखाली

देवाच्या नावाखाली

देवाच्या नावाखाली
अंधश्रध्दा चालतात
अनिष्ठ रूढी-परंपरा
आत्मियतेने पाळतात

माणसांना धारेवर
माणसंच धरतात
देवासाठीचे नियम
माणसंच करतात

चुक झाली माणसांची
तर देवाला घेऊ द्या सुड
पण करु नये माणसांनी
ऊगीच मध्ये-मध्ये लुडबूड

विशाल मस्के
सौताडा,पाटोदा,बीड.
मो.९७३०५७३७८३

रविवार, २९ नोव्हेंबर, २०१५

तडका - सल्ले

सल्ले

कधी फूकटचे असतात
कधी विकतचे असतात
असे एकमेकांना सल्ले
अगदी निकटचे असतात

कधी सल्ले महत्वाचे
कधी कल्ले असतात
तर कधी सल्ल्या मार्फत
घमासान हल्ले असतात

विशाल मस्के
सौताडा,पाटोदा,बीड.
मो.९७३०५७३७८३

तडका - ऑनलाइन

ऑनलाइन

नव-नवे माणसं,
नव-नव्या ओळखी
नव-नव्या गप्पांची
रोज नवी पालखी

सोशियल मिडीयावर
इन करून साइन
भेटू लागले रोज
माणसं ऑनलाइन

रोज होतात भेटी
रोज होतं बोलणं
तरी देखील कठीण
दुराव्याला झेलणं

विशाल मस्के
सौताडा,पाटोदा,बीड.
मो.९७३०५७३७८३

शनिवार, २८ नोव्हेंबर, २०१५

ऊठ बाई तु जागी हो,...

~!!! उठ बाई तु जागी हो,... !!!~

का वैचारिक प्रगतीची
अजुनही दिरंगाई आहेस
समाजही सांगतो आहे
की बाई तु बाई आहेस

बाईला समानता देणं
गलिच्छ मानलं जातंय
तुझं बाई पण आजही
का तुच्छ मानलं जातंय

का बाईकडे पाहताना
समाज झालाय आंधळा
बाईविना खरं तर हा
समाज होईल पांगळा

आजही नाकारलं जातं
बाई तुझ्या स्वातंत्र्याला
आजही बंदी आहे तुझ्या
त्या मंदीरातील प्रवेशाला

घरा-घरात बसली आहेस
थोडसं बाहेर येऊन बघ
प्रश्न आहे तुझ्या हक्काचा
सावित्रीची लेक होऊन जग

बाई तु समानतेचा लढा दे
पुरोगामित्वात सहभागी हो
दुसर्‍यांची वाट पाहूच नको
आता ऊठ बाई तु जागी हो

विशाल मस्के
सौताडा, पाटोदा, बीड.
मो. 9730573783

* कविता आवडल्यास नाव न काढता शेअर करण्यास परवानगी.

* व्हाटस्अप वरून डेली वात्रटिका मिळविण्यासाठी व्हाटस्अप नंबर :- 9730573783

तडका - प्रिय प्रवाशांनो

तडका - मंत्रीमंडळ विस्तारात

मंत्रीमंडळ विस्तारात

कुणाला भलतं महाग जातं
तर कुणाला पडतं सस्त्यात
कुणा-कुणाची वर्णी लागणार
सारं गुपितही गुलदस्त्यात

ज्यांची वर्णी लागेल त्यांचा
भविष्यकाळ हसु शकतो
तर मंत्रीमंडळ विस्ताराचा
कुणाला झटका बसु शकतो

विशाल मस्के
सौताडा,पाटोदा,बीड.
मो.९७३०५७३७८३

शुक्रवार, २७ नोव्हेंबर, २०१५

तडका - क्रांतीसुर्य ज्योतिबा फूले

क्रांतीसुर्य ज्योतिबा फूले

स्री-पुरूष समानतेचे
आज येऊ लागले नारे
नारींच्याही यशकिर्तीचे
आता वाहू लागले वारे

स्री शिक्षणाला जागृत झाला
हा समाज तुमच्या मुळे
आजही तुम्हा नमन करतो
क्रांतीसुर्य ज्योतिबा फूले

विशाल मस्के
सौताडा,पाटोदा,बीड.
मो.९७३०५७३७८३

तडका - जेल पार्टी

जेल पार्टी

मोबाइल चा वेगळा दर
चार्जिंगचा वेगळा दर
गांज्या आणि पार्टीसाठी
ठरलेला वेगळा दर

वेळो-वेळी लक्षपुर्वक
कैद्यांची उठाठेव होती आहे
कळंबा जेलची अशी
दुर-दुरवर ख्याती आहे

हॉटेल सारखेच जेल देखील
स्टार वाले ठरू लागतील
"जेल-पार्टी" करण्यासाठी
लोक गुन्हेही करू लागतील

विशाल मस्के
सौताडा,पाटोदा,बीड.
मो.९७३०५७३७८३

* सदरील वात्रटिका ऑडीओ स्वरूपात ऐकण्यासाठी व्हाटस्अप नंबर :- 9730573783

गुरुवार, २६ नोव्हेंबर, २०१५

तडका - खरा दोष

खरा दोष

डान्स-बार बंदी उठल्याने
कुणी सुखावले-कुणी दुखावले
डान्स बारकडे वळतील म्हणे
इथले कित्तेक रंगेल पावले

कित्तेकांच्या बरबादीचाही
डान्स-बार वर रोश असतो
मात्र तो डान्स-बारचा नाही
तिथे जाणारांचा दोष असतो

विशाल मस्के
सौताडा,पाटोदा,बीड.
मो.९७३०५७३७८३

तडका - गती

गती

त्यांनी छो म्हणताच
कित्तेक धावले जातात
त्यांनी "हो" म्हणताच
ब्रेकही लावले जातात

मात्र छो-हो म्हणायला
इथे विशेष निती असते
दुसर्‍यांच्याच इशार्‍यावर
कित्तेकांची गती असते

विशाल मस्के
सौताडा,पाटोदा,बीड.
मो.९७३०५७३७८३

बुधवार, २५ नोव्हेंबर, २०१५

तडका - आमचे संविधान

आमचे संविधान

स्वातंत्र्य समता बंधुत्वाचा
चरा-चरात मिळतो मान
अभिव्यक्ती स्वातंत्र्याचा
इथे मिळतो हो बहूमान

धर्मनिरपेक्षता समाजवादी
आहे एकात्मतेचा प्राण
मानवतेच्या कल्याणासाठी
जगात भारी आमचे संविधान

विशाल मस्के
सौताडा,पाटोदा,बीड.
मो.९७३०५७३७८३

तडका - सहिष्णूतेसाठी

सहिष्णूतेसाठी

संभ्रमात मन घूटमळल्यास
मुद्दा पटत नाही पटणाराही
बोलणार्‍याचं बोलणं ऐकताना
भानावर असावा ऐकणाराही

तेव्हाच मनातील गैरसमज
भुर्रर्र करत उडुन जातील
अन् देशभरात सहिष्णूतेचे
वातावरणही घडून येतील

विशाल मस्के
सौताडा,पाटोदा,बीड.
मो.९७३०५७३७८३

मंगळवार, २४ नोव्हेंबर, २०१५

तडका - ऐका जरा

ऐका जरा

ज्यांना जायचे असेल
त्यांना खुशाल जाऊ द्या
ज्यांना रहायचे असेल
त्यांना बिंधास्त राहू द्या

त्यांच्या अभिव्यक्ती स्वातंत्र्यावर
विनाकारण वादंग बडवू नये
आपल्या वागण्यानेच देशात
असहिष्णूता घडवू नये

विशाल मस्के
सौताडा,पाटोदा,बीड.
मो.९७३०५७३७८३

तडका - सुरक्षिततेसाठी

सुरक्षिततेसाठी

आपला आपला विचार घेऊन
एकेक आवाज उठु लागलाय
पाण्याचाच धोका आजकाल
माशालाही वाटू लागलाय,..?

पाण्यात संकट आले म्हणून
त्याने पाण्याबाहेर घसरू नये
पाण्याविना सुरक्षितता नाही
हे माशाने कदापी विसरू नये

विशाल मस्के
सौताडा,पाटोदा,बीड.
मो.९७३०५७३७८३

सोमवार, २३ नोव्हेंबर, २०१५

तडका - राजकीय मिठी

राजकीय मिठी

कोण कसा अर्थ घेईल
हि ज्याची त्याची नीती असते
चर्चेचा विषय ठरणारी
इथे राजकीय मिठी असते

कुणी कुणाची घेतली अन्
कुणी कुणाला मारली आहे,?
मिठीवाल्यांच्या विरोधकांना
ही मिठी जाम चुरली आहे,.!

विशाल मस्के
सौताडा,पाटोदा,बीड.
मो.९७३०५७३७८३

तडका - पावसामुळे

पावसामुळे

इकडे आला तिकडे आला
त्याचा बोलबाला झाला
करपलेला-भेगाळलेला
सारा शिवार झाला ओला

फक्त शेतातल्याच भेगा नाही
मनाच्या भेगाही बुजल्या जातील
थेंब-थेंब पडल्या पावसामुळे
उत्कर्षाच्या राशी सजल्या जातील

विशाल मस्के
सौताडा,पाटोदा,बीड.
मो.९७३०५७३७८३

रविवार, २२ नोव्हेंबर, २०१५

तडका - माणसांनो

माणसांनो

मोडताहेत माणसांचे मणके
माणसांनीच माणसं मुरगाळले
मांगल्य,ममता,मित्रत्वासह
मोडलेत मांडव मर्माळले

माणसांनी "मी" मोडावं
माणूसकीशी मन मिळवावं
मग मिळेल मतितार्थ
माणसांत मायेनं मिरवावं

विशाल मस्के
सौताडा,पाटोदा,बीड.
मो.९७३०५७३७८३

तडका - निसर्ग कृपाळला

निसर्ग कृपाळला

त्यांनी जे जे केले काल
आज सारे स्मरून आले
पाहणी करण्या आले होते
मात्र पळणी करून गेले

त्यांचे दौरे आले,गेले
मदतीचा मुद्दा ढेपाळला
पथकाने केला काना डोळा
पण निसर्ग मात्र कृपाळला

विशाल मस्के
सौताडा,पाटोदा,बीड.
मो.९७३०५७३७८३

तडका - डाळ भाव

डाळ भाव

भाव-वाढ झाली म्हणून
डाळ साठेही जप्त केले
पण कुणकुण किणकिणली
जप्त साठे लुप्त केले,...?

आपली बाजु पटवण्यासाठी
जे-ते इथे पटाईत आहेत
पण सारं काही घडून देखील
डाळ-भाव मात्र टाईट आहेत

विशाल मस्के
सौताडा,पाटोदा,बीड.
मो.९७३०५७३७८३

शनिवार, २१ नोव्हेंबर, २०१५

तडका - दुष्काळी पळणी

दुष्काळी पळणी

दूष्काळ पाहणी करण्यासाठी
केंद्रातुनही पथक येतात
पाहणी सोडून पळणी करतात
तेव्हा आशा निरर्थक जातात

पळत पळत दौरा सारा
दूष्काळ पहायला वेळ नाही
सांगा त्यांना दूष्काळ म्हणजे
तुमच्या मनातला खेळ नाही

विशाल मस्के
सौताडा,पाटोदा,बीड.
मो.९७३०५७३७८३

शुक्रवार, २० नोव्हेंबर, २०१५

तडका - बाजारात

बाजारात

मनसोक्त बाजार करण्याचं
धाडस कमी होऊ लागलं
तांदूळ,डाळ,वाटाण्यासह
टमाटंही भाव खाऊ लागलं

बाजार करणारांपेक्षा हल्ली
बाजार फिरणारे जास्त आहेत
घेणारांची वाट पाहून-पाहून
पालेभाज्या मात्र त्रस्त आहेत

विशाल मस्के
सौताडा,पाटोदा,बीड.
मो.९७३०५७३७८३

तडका - धंदा काळ्या बिझनेसचा

धंदा काळ्या बिझनेसचा

कुणी अमाप श्रीमंत झाले
कमवा-कमवीच्या या रस्त्यात
त्यांचे इनकम वाढते भरमसाठ
पण बिझनेस मात्र गुलदस्त्यात

त्यांच्या पाप कमाईसाठीही
सामान्य जनतेचाच खांदा आहे
हा सरळ-सरळ न उलगडणारा
काळ्या बिझनेसचा धंदा आहे

विशाल मस्के
सौताडा,पाटोदा,बीड.
मो.९७३०५७३७८३

तडका - हि एक मागणी

गुरुवार, १९ नोव्हेंबर, २०१५

तडका - डॉक्टर

डॉक्टर

जरी कर्तव्य पार पाडताना
नसते कसलीही दिरंगाई
तरीही केली जात असते
पेशंट कडून भलती घाई

वरिष्ठांचे आदेश,अती एमर्जन्सी
कधी कर्तव्यात अडले जातात
म्हणूनही सामाजिक संतापात
आजकाल डॉक्टर पडले जातात

झाल्या विलंबाने पेशंटच्या काया
कदापीही ना कोमेजल्या जाव्या
डॉक्टर हे जीवन दाते आहेत
त्यांच्या समस्याही समजल्या जाव्या

विशाल मस्के
सौताडा,पाटोदा,बीड.
मो.९७३०५७३७८३

तडका - जागतिक शौचालय दिन

जागतिक शौचालय दिन

कित्तेक शासकीय योजनांत
भ्रष्टाचाराचेच खड्डे आहेत
गावच्या पांद्या-रस्ते देखील
शौचेसाठीचे अड्डे आहेत

पडताळून पहा ही दृष्ये
गावो-गावी सकस ताजी
कागदोपत्री पुरस्कार योग्य
वास्तवात मात्र बोगसबाजी

विशाल मस्के
सौताडा,पाटोदा,बीड.
मो.९७३०५७३७८३

बुधवार, १८ नोव्हेंबर, २०१५

तडका - ताव-डे

ताव-डे

सुरळीत चालल्या परिस्थितीत
विनाकारणच फावडे असतो
अयोग्य निर्णय घेण्यासाठी
अविचारी ताव-डे असतो

लोक किती जागे आहेत
याचा आढावा घेतला जातो
निर्णय अंगलट येऊ लागता
स्वार्थही बाजुला रेटला जातो

विशाल मस्के
सौताडा,पाटोदा,बीड.
मो.९७३०५७३७८३

तडका - भटके कुत्रे

भटके कुत्रे

भुंकत भुंकत फिरणारे
मोकाट भटके कुत्रे
ठरताहेत धोकादायक
माणसं झाले भित्रे

अक्कल गहाण ठेवतात
केकाटतातही बोलताना
स्व लायकी कळत नाही
त्या कुत्र्यांना भुंकताना

विशाल मस्के
सौताडा,पाटोदा,बीड.
मो.९७३०५७३७८३

मंगळवार, १७ नोव्हेंबर, २०१५

तडका - मानवी विध्वंस

मानवी विध्वंस

फटाके आणि दिवाळीचं
नातं फार जुनं आहे
फटाक्यांविना कित्तेकांचं
दिवाळी मन सुनं आहे

फटाकेमुक्त दिवाळीसह
ध्वनी मर्यादेचा भ्रंश आहे
घेतले कित्तेक पक्षांचे बळी
हा तर मानवी विध्वंस आहे

विशाल मस्के
सौताडा,पाटोदा,बीड.
मो.९७३०५७३७८३

तडका - रोड रोमियो

रोड रोमियो

इकडून तिकडं मारीत चकरा
रोडवर करतो भलताच नखरा
करतोय रेस फरा-फरा
हूकेल दिसतो जरा-जरा

का राहिली नाही भीड-भाड
महिलांशी करतोय छेड-छाड
पालकांनो जरा सावरा हो
रोड-रोमिओ आवरा हो

विशाल मस्के
सौताडा,पाटोदा,बीड.
मो.९७३०५७३७८३

सोमवार, १६ नोव्हेंबर, २०१५

तडका - रीत

रीत

नेतृत्वाची संधी देऊन
कधी सन्मान केला जातो
आदर आणि आपुलकीने
त्याला प्रणाम दिला जातो

जय जयकार करत कधी
डोक्यावरती घेतला जातो
त्याने कानात डोकावताच
पायतळाशी घातला जातो

विशाल मस्के
सौताडा,पाटोदा,बीड.
मो.९७३०५७३७८३

तडका - महागाईच्या खाईत

महागाईच्या खाईत

एका एका वस्तुचाही
येऊ लागला नंबर
महागाईने पहा कशी
कसली आहे कंबर

बाजारात फिरताना
हात बिथरू शकतो
भाववाढीच्या खाईत
तांदूळ घसरू शकतो

विशाल मस्के
सौताडा,पाटोदा,बीड.
मो.९७३०५७३७८३

रविवार, १५ नोव्हेंबर, २०१५

तडका - चाहूल पाहूण्याची

तडका - रात्र वैर्‍याची

रात्र वैर्‍याची

अच्छे दिन ला अजुन
किती आहे अवकाश,.?
झपाट्याने होतो आहे
महागाईचाच विकास

वाढत्या इंधन दरामुळे
भीती वाटतेय दौर्‍याची
मध्यरात्रीच वाढतात दर
रात्रही झाली वैर्‍याची

विशाल मस्के
सौताडा,पाटोदा,बीड.
मो.९७३०५७३७८३

तडका- शेतकर्‍याचं नशिब

शेतकर्‍याचं नशिब

शेतकर्‍याचा कांदा
बाजारात उतरला
तसा कांद्याचा भाव
पटकन घसरला

हे गणित जुनंच
पण पुन्हा घडलं
शेतकर्‍याचं नशिब
वारंवार मोडलं

विशाल मस्के
सौताडा,पाटोदा,बीड.
मो.९७३०५७३७८३

शनिवार, १४ नोव्हेंबर, २०१५

तडका - शाळा आठ तास

शाळा आठ तास

आता अभ्यासबाह्य शाळेचे
दोन तास वाढवले जातील
विविध उपक्रमात विद्यार्थी
शाळेतच घडवले जातील

शाळेचे पुर्ण आठ तास
गुरूजींना थांबवले जाईल
अभ्यासबाह्य दोन तास
विद्यार्थीही डांबवले जाईल

पण नाण्याला दोन बाजु आहेत
या गोष्टीही मानल्या जाव्या
अन् साधणार्‍या फायद्यांसह
कुचंबनाही जाणल्या जाव्या

विशाल मस्के
सौताडा,पाटोदा,बीड.
मो.९७३०५७३७८३

तडका - बाल दीन

बाल दीन

बालपण सुंदर असुनही
तिथे वन्समोर मिळत नाही
बालपणातुन गेल्याविना
बालपणही कळत नाही

कितीही मोठे झाले तरी
बालपणात मनं झूलवतात
बालदिन साजरे करताना
बालदीन मनं हेलावतात

विशाल मस्के
सौताडा,पाटोदा,बीड.
मो.९७३०५७३७८३

शुक्रवार, १३ नोव्हेंबर, २०१५

तडका - मजा आयुष्याची

तडका - भ्याड हल्ले

भ्याड हल्ले

जात पाहिली जात नाही
धर्म पाहिला जात नाही
मरणारांच्या कर्तृत्वाचा
वर्म पाहिला जात नाही

निष्पापांचेही घेतात बळी
डोकेच त्यांचे म्याड आहेत
म्हणूनच तर त्यांच्याकडून
हल्यावर हल्ले भ्याड आहेत

विशाल मस्के
सौताडा,पाटोदा,बीड.
मो.९७३०५७३७८३

तडका - प्रॉपर्टी

प्रॉपर्टी

लोभी माणसांचा उतावळेपणा
कुणाचाही झाकलेला नाही
प्रॉपर्टी कमावण्याचा हव्यास
कुणालाही चुकलेला नाही

आपण कमवलेली प्रॉपर्टी कधी
आपल्याच हातुन जाऊ शकते
आता कळून चुकलं आहे की
प्रॉपर्टी जप्तही होऊ शकते,.!

विशाल मस्के
सौताडा,पाटोदा,बीड.
मो.९७३०५७३७८३

तडका - ती आणि तो

ती आणि तो

तीच आणि त्याचं नातं
अगदीच घट्ट आहे
तीच्या प्रत्येक मागणीत
त्याचाच तर हट्ट आहे

ती आली की तोही येतो
नसताना देखील बांधील
ती आहे दिपावली आणि
तो आहे आकाश कंदील

विशाल मस्के
सौताडा,पाटोदा,बीड.
मो.९७३०५७३७८३

तडका - महागाईचा पीळा

महागाईचा पीळा

संधीचा फायदा घेत
वारंवारच अडवलं
पेट्रोल,डिझेलसह
प्रवासभाडं वाढवलं

एका-एका वस्तुवर
महागाईचा पीळा आहे
कांदा आणि डाळीनंतर
टमाट्यावर डोळा आहे

विशाल मस्के
सौताडा,पाटोदा,बीड.
मो.९७३०५७३७८३

गुरुवार, १२ नोव्हेंबर, २०१५

तडका - भाऊबीज

भाऊबीज

ऊत्सव साजरे करताना
आनंद उतप्रोत असतो
प्रेम आणि आपुलकीचा
ऊत्सव हा एक स्रोत असतो

करायचे म्हणून करायचे
नको नुसतेच नावाला
भाऊबीज साजरे करण्या
बहिण जपावी भावाला

विशाल मस्के
सौताडा,पाटोदा,बीड.
मो. ९७३०५७३७८३

तडका - ती आणि मी

ती आणि मी

केला निर्धार मनामध्ये
ठरवलं मी धीट व्हायचं
अंधाराचा फायदा घेऊन
आज तीला पेटवायचं

अंधारातही तेजस्वीनी
ती अस्सल जादूगरी आहे
आनंदाच्या उत्सवातील
ती सुरसुरती सुरसुरी आहे

विशाल मस्के
सौताडा,पाटोदा,बीड.
मो. ९७३०५७३७८३

तडका - सुगरणींनो

बुधवार, ११ नोव्हेंबर, २०१५

तडका - बळीराजा

बळीराजा

कधी येणार बळीचं राज्य
सुखही सारं गोठलं आहे
दुष्काळ आणि महागाईनं
वामन होऊन लुटलं आहे

फास घेतोय,विष पेतोय
बळ का गळतंय बळीचं
मरू नको रे बळीराजा
सांगणं हे तळमळीचं

विशाल मस्के
सौताडा,पाटोदा,बीड.
मो. ९७३०५७३७८३

तडका - फराळाचं

तडका - लक्षमी पुजन

लक्ष्मी पुजन

इकडे फट-फट
तिकडे फट-फट
फूटतात फटाके
होऊन उत्कट

लक्ष्मी पुजन
आनंद नवा
दारात लावुनी
तेजोमय दिवा

विशाल मस्के
सौताडा,पाटोदा,बीड.
मो. ९७३०५७३७८३

दुष्काळी दिवाळी शुभेच्छा

कवितेचे नाव :- दुष्काळी दिवाळी शुभेच्छा

सदरील कविता आवडल्यास शेअर करू शकता आणि कविता ऐकण्यासाठी व्हाटस्अप वर संपर्क करा

व्हाटस्अप नंबर :- 9730573783

मंगळवार, १० नोव्हेंबर, २०१५

तडका - घरची लक्ष्मी

घरची लक्ष्मी

मानवी जातीला घातक अशा
मानवी भावना ठरल्या आहेत
अन् मुलीचा हेवा करून इथे
कित्तेक स्रिया मारल्या आहेत

स्री जातीचा हेवा करणे
हि गोष्टच अवलक्षणी आहे
आई-आजी,बहिण-मुलगी
हिच घरची लक्ष्मी आहे,...

विशाल मस्के
सौताडा,पाटोदा,बीड.
मो. ९७३०५७३७८३